究竟幾時先會病好 ???
已經睇左兩次醫生，都依然係咁咳，係屋企都還好，一出街就真係唔掂
條氣好唔順，咳到唔停，日日都要帶口罩見人
不過每次帶口罩出街，其他人好似覺得妳有菌咁，會同妳保持距離
驚死會傳染到俾佢，不過繼續咳落去都唔係辦法
所以就打俾媽咪問下可以煲咩湯，媽咪話煲川貝應該唔錯
咁就去街市買材料，見有一包包的湯包賣，發現有川貝海底椰潤肺湯包買
就買左一包番去煲黎飲，另外再加甘旬，瘦肉就可以
但飲完後依然咳得好利害~救命呀~究竟仲有咩辦法可以止咳呢 ???
材料 : 川貝海底椰潤肺湯包<1包>(川貝，海底椰，淮山，雪耳，太子參，玉竹片，龍牙百合，南北杏，陳皮，甘旬<1條>，瘦肉<$15>，蜜棗<2粒>
瘦肉飛水，川貝，雪耳浸水，甘旬去皮切件備用
煲內放入適量水及蜜棗，待滾後加入瘦肉，湯包所有材料(除雪耳)，用大火煲30分鐘
再加入甘旬，轉慢火煲 1 1/2小時，最後加入雪耳煲30分鐘，下少許鹽調味即可
佢唔係仙丹呀.........要戒口之餘, 飲下湯水...俾D耐性啦.....
回覆刪除我實行另類療法都要差唔多2星期先好.....
[寧靜中的不寧靜回覆06/15/2012 07:50:34]
[版主回覆06/14/2012 21:54:39]唔知呀,醫生咁講,我咪咁聽囉!
[寧靜中的不寧靜回覆06/14/2012 08:12:57]生果我就明, 點解雞蛋唔得既???
[版主回覆06/13/2012 16:14:14]有呀,除左唔飲得凍野,蕃茄,橙,柑,奇異果,雞蛋都唔可以食喎!
[寧靜中的不寧靜回覆06/13/2012 06:54:36]有冇叫你完全戒凍野呀?
[版主回覆06/12/2012 22:19:02]食藥囉!
[寧靜中的不寧靜回覆06/12/2012 07:45:19]咁點算...??????????????????
[版主回覆06/11/2012 19:57:14]我今日已經去睇第三次醫生喇,話我氣管敏感喎!
[寧靜中的不寧靜回覆06/11/2012 07:18:50]唔會好架.....你想用自然療法????
[版主回覆06/10/2012 11:40:33]我又懶得去睇...
[寧靜中的不寧靜回覆06/10/2012 07:51:24]不如睇下中醫??? 睇下佢點講都好...
[版主回覆06/09/2012 17:12:54]我知唔係仙丹,但再係咁咳法真係人都"瓜"!
你仍然唔好...不如睇睇中醫啦...你會唔會涼咳？？？食太多涼野？？？
回覆刪除[MR.MOON回覆06/09/2012 23:26:43]小心身體...忍忍口...
[版主回覆06/09/2012 22:52:41]冇呀,我已經好節制架喇(呢幾日),哈...