但次次叫我話事，煮完出黎又話我唔食呢樣唔食個樣
我頂，咁你又叫我話事，所以而家袁太諗到晚餐煮咩，都會打俾袁生講左先
費時又俾人話
最近放假係屋企睇電視，介紹炒粒粒，其實炒粒粒都幾好架
基本上將全部材料炒埋一碟就完成，真係好方便
而且炒粒粒的材料可以換自己鐘意食既野，所以材料都以袁生鐘意的材料行先
就係西芹，叉燒，豬肉碎同魚片喇，有菜又有肉，而且味道仲好好添 !
~肉碎炒粒粒~
材料 : 魚片<半條>，叉燒<$15>，西芹<半棵>，豬肉碎<$12>
醃料 : 生粉，糖，生抽，麻油，胡椒粉，水<少許>
做法 :
1. 豬肉碎加入醃料醃30分鐘
2. 叉燒切細粒，魚片切細粒後加少許雞粉拌勻
3. 西芹去纖維後切粒，鑊中加入水，油，薑片，加入西芹粒煮約5分鐘盛起隔水備用
4. 燒紅鑊，爆香魚片粒，叉燒粒後加入豬肉碎兜勻
5. 待材料熟透後將西芹粒回鑊兜勻，加少許蠔油調味拌勻即可
我好鍾意食魚片架~尤其係魚片頭~~~~~~
回覆刪除炒粒粒真係好正,可以換哂自己愛食既~~~~~
魚片呀, 腰果呀, 叉燒呀, 火鴨呀..........
[寧靜中的不寧靜回覆07/05/2012 07:17:06]咁唔好用啦.......仲有大把材料可以用~~~~
[版主回覆07/04/2012 14:48:37]我昨晚用魚片頭做晚餐喎,其實我都想加埋火鴨一齊炒,但袁生已經唔食得鴨!
你仲可以買到$15 叉燒咁叻, 我地個區, 最少要$20, 仲要得少少咋...
回覆刪除[版主回覆07/04/2012 14:49:46]我屋企附近街市兩檔燒味鋪都係最少買$15叉燒都可以,而且都幾大舊架!