袁生獨家享用(附川貝枇杷葉燉雪梨食譜)

2013年第一POST

不過今日都已經係六號喇，可想而知袁太最近幾懶^o^

雖然袁太最近比較少入廚房

因為要為做手術前做準備，另外平時番工都好夜先收工

何況加上假期袁生又唔俾我煮飯仔

真係慘過坐監，不過我知袁生都係為左我好姐

但以我咁的性格，你叫我唔好入廚，我翩要入廚房(哈......)

不過我今次入廚房唔係煮晚餐

而係燉野俾袁生飲

事緣袁生的感冒都持續左幾個星期，睇左幾次醫生都唔好

所以我呢個好老婆就上網search下資料

發覺用枇杷葉燉雪梨係有潤肺，止咳功效

好似幾啱袁生飲喎

另外雪櫃仲有少少川貝，加埋一齊去燉

淨係睇D材料都知一定好難飲，不過袁生當然係冇得SAY NO喇

袁太足足燉3小時，需要味道真係唔太討好

但袁生都好乖飲左一大碗 !

川貝枇杷葉燉雪梨
材料 : 川貝<1錢>，枇杷葉<1錢>，雪梨<2個>，甘草，麥冬<各少許>，南北杏<少許>


 
做法 :
1. 將所有材料洗淨，雪梨切件去芯備用

2. 所有材料放入燉盅內，加入約三碗熱水，放入電子燉煲內燉3小時即可

由於雪梨皮與果肉之間含藥性成份，所以雪梨必須連皮一齊煲

<川貝枇杷葉燉雪梨>功效 : 滋陰清熱，潤肺止咳，兼且對潤喉防敏感有幫助