行超市的時候見到有象拔蚌仔，袁生鐘意食，買包番屋企先再算，之前會簡簡單單清蒸，但今次就想試下用黎蒸飯，就用籠仔蒸，另外再加塊荷葉
香噴噴的荷香味，象拔蚌仔的鮮甜味，再加上用雞湯煮的白飯，味道真係冇得頂，唔止我一個人覺得好味，連袁生都好滿意呢個籠仔蒸飯，仲叫我得閒整多D籠仔的小菜喎 !
籠仔荷香象拔蚌仔蒸飯
材料 : 象拔蚌仔<6隻>，荷葉<1塊>，白米<1 1/2杯>，清雞湯<250ml>，水<適量>
調味料 : 蒜蓉，辣椒粒，鹽，糖，雞粉，油<適量>
做法 :
1. 荷葉用水浸軟及清洗乾淨
2. 白米洗淨後加入雞湯及適量水，放入電飯煲內煮成飯
3. 將荷葉放在蒸籠上，然後加入已煮好的飯，再將象拔蚌仔洗淨放上
4. 調味料拌勻後淋在象拔蚌內，將荷葉包實
5. 蓋上籠蓋用大火隔水蒸10分鐘
6. 最後灑上蔥花，贊少許熟油，豉油即可
我諗下都覺好味...
回覆刪除你條腰點呀? "禁吃令"解除未???
[寧靜中的不寧靜回覆02/27/2013 06:29:16]好習慣~
[版主回覆02/26/2013 20:12:14]我而家晚晚都會飲杯奶先訓架!
[寧靜中的不寧靜回覆02/26/2013 06:37:11]一定要食哂D抗生素同跟足指示食呀! 食多D奶類製品會唔會好D?
[版主回覆02/25/2013 22:39:02]之前覆診的時候,身體入面有細菌,要食抗生素,不過身體狀況暫時沒有問題,只係有時會覺得好疲倦,而家燒鴨同雞蛋已經解禁了,但雞同牛都係暫時唔食得!
waa.....想試...但又要買工具....hahaha...
回覆刪除[版主回覆02/26/2013 20:14:20]只係買個蒸籠姐,買左之後想整咩都得喇