有一日當袁太諗好晒夜晚餐飯煮咩的時候，打定電話俾袁生叫佢麻煩放工同我去買餸，點知個衰佬話唔想食呢D餸，OK(忍住到氣)，咁請問你想食咩呢 ??? 袁生說 : "我想食鹹魚肉餅"
妳唔係話食肉餅食都厭咩 ??? 袁生又說 : 係有少少厭架，但今日又想食，好喇，你想食肉餅就整肉餅，不過既然有少少厭倦蒸肉餅，咁不如煎肉餅，肉餅用煎的方法，脆口又香口，唔錯架 !
鹹魚煎肉餅
材料 : 梅頭瘦肉<$20>，鹹魚<適量>
醃料 : 生抽，糖，生粉，麻油，酒，油，胡椒粉<少許>
做法 :
1. 鹹魚洗淨，加少許酒，隔水蒸15分鐘後放涼，將魚肉起出備用
2. 梅頭瘦肉剁碎後加少許鹽，用手向同一方向攪，攪到開始變成一團拿起，用少許力撻回碗中，約重複10次左右
3. 將鹹魚粒，醃料加入豬肉碎內拌勻醃30分鐘
4. 燒紅鑊，將豬肉團輕輕整成球形，放入鑊中煎至兩面金黃色
5. 取出放在廚房紙上隔去油份即可
我LIKE--->係有少少厭架，但今日又想食喎
回覆刪除煎係好香口, 鹹味多一兩分重~ 煎既鹹同蒸既鹹完全唔同~
[版主回覆03/05/2013 23:13:12]煎肉餅比蒸肉餅鹹些少,啱晒袁生呢D鐘意食鹹野的鹹蟲
等我都試下....HAHAH
回覆刪除D男人就係咁...有D 麻煩.....我位大少都係咁!!!
[版主回覆03/11/2013 00:28:54]如果妳屋企位大少都係咁,我仲以為我家袁生先係咁麻煩添!
我以為煎肉餅係蒸完先再煎架!!
回覆刪除[版主回覆03/07/2013 23:01:36]唔駛蒸架,醃好材料拌勻後就可以落鑊煎!
每次睇你blog都覺得你好勁，見到乜都識煮而你又甘後生、我都想它朝有日可以甘樣、因為成日諗食咩好煩又唔識煮！同埋你老公都幾大爺架喎！好似當你煮飯婆甘既語氣！佢自己都冇煮過？佢真有福氣！
回覆刪除[版主回覆03/13/2013 23:15:17]雖然我鐘意煮野食,不過有時諗晚餐都好頭痛架,因為袁生唔鐘意日日食都一樣餸架,講真,我老公真係幾大爺,幾大男人架,有時都幾惡頂!
這個是超正、好美味的～
回覆刪除[版主回覆03/16/2013 00:08:49]yeah~~真係好美味架!