本來想炒牛肉，不過大家知喇，我今時今日都仲係唔可以食牛肉，但又唔想炒雞肉或豬肉，所以就向羊肉入手，係急凍店買包火鍋羊肉片，再加我近期至愛的本菇，雞脾菇同磨菇，快快手炒埋一碟，真係又簡單又好味
袁生都不知食得幾開心，買左一大包羊肉，我都係食左幾塊，其他既已經係晒袁生個肚入面 !
雜菌炒羊肉
材料 : 火鍋羊肉片<1包>，本菇<1包>，磨菇<4粒>，雞脾菇<1條>，蒜蓉<適量>
醃料 : 生抽，老抽，糖<少許>
做法 :
1. 羊肉片洗淨後撕成小塊，加入醃料醃20分鐘
2. 本菇洗淨，雞脾菇，磨菇洗淨切片備用
3. 燒紅鑊，爆香羊肉至半熟盛起，原鑊加入蒜蓉爆香，加入所以菇菇兜勻
4. 加入適量水，生抽，老抽，糖將菇菇煮至軟身
5. 將羊肉回鑊一同兜勻，煮至汁料稍為收乾即可
好多菇菇呀~~~~~~~~~~~~~~~~~~~~~~~我未去英國前係未食過冬菇以外既菇類.......之後就近乎日日食.......不過都係芝士磨菇意粉.....芝士again...
回覆刪除你唔講你羊, 我真係以為係牛....
[版主回覆05/20/2013 17:23:11]一D都唔羶!
[寧靜中的不寧靜回覆05/20/2013 06:41:02]我係芝士怪嘛...哈哈哈哈~~
羶唔羶呢???
[版主回覆05/19/2013 22:27:00]又係芝士,其實望落真係幾似牛肉架!
其實蒜頭蠔油炒菇類會好味過加肉炒.
回覆刪除[版主回覆05/20/2013 17:22:47]我好多朋友仔的老公都係食肉獸
[阿黃送金桔回覆05/20/2013 00:08:10]我老公話, 男人係食肉獸禾!
[版主回覆05/19/2013 22:27:25]我家袁生係無肉不歡架!
水太太都好喜歡菇菇呀，又健康又好味~~
回覆刪除[版主回覆05/19/2013 22:28:07]原本大家都係愛菇之人
我唔係好鐘意冬菇陣味...其他菇都ok
回覆刪除[版主回覆05/20/2013 17:24:30]我呢個冇冬菇喎,咁咪啱妳食囉!
YEA....我都好中意茹茹!!
回覆刪除下次我試下炒牛肉先...KEKE..因為我唔食羊~~
[版主回覆05/20/2013 23:53:16]但用火鍋的羊肉片,一D都唔羶架!
[梁少奶 ^v^回覆05/20/2013 23:06:06]係呀....頂唔住佢隻so味~~!!
[版主回覆05/20/2013 22:40:55]點解唔食羊???怕羶???
老公唔食羊呀~等我改良下，用雞肉OR豬肉炒先!
回覆刪除