2013年5月29日 星期三

雪菜粉皮 <附食譜>

炎炎夏日真令人冇晒胃口,晚餐都諗唔到究竟煮咩好 ??? 問袁生的話,佢一定冇咩意見可以俾到我,不過每當咁既悶熱天氣,最好就整涼拌,一來製作方便,二來凍冰冰,一定可以為身體稍為降下溫

由於係九龍城上班的關係,大定知道九龍城真係可以話咩都有得賣,今日lunch time的時候經過某間賣上海食品的老店舖,就想到不如買包粉皮整涼拌今晚做晚餐,順便買多包雪菜


唔知點解我好喜愛去上海店舖買雪菜,雖然覺得同一般街市豆腐店買的雪菜唔係大太分別,
但總是覺得味道係有少少唔同,當然始終還是覺得上海店買的係好味D,呢個粉皮做法真係相當簡單,唔需要好長時間已經可以完成 !

 



雪菜粉皮

材料 : 雪菜<3棵>,粉皮<1包>
調味料 : 砂糖,麻油,豉油<適量>



做法 :
1. 將粉皮捲起,以順紋方向將粉皮切成約半寸闊,放入熱水煮3分鐘後盛起

2. 放在冰水內5分鐘,瀝乾水份備用

3. 雪菜浸水30分鐘後洗淨切粒或切絲,將粉皮,雪菜一同放入大碗內,再加入調味料拌勻,放入雪櫃雪凍即可



4 則留言:

  1. 寧靜中的不寧靜2013年5月29日 清晨6:29

    又幾清淡喎~岩哂夏天啦~
    不過男士食飯好多時都要有舊肉, 袁生會唔會架?
    [版主回覆05/30/2013 23:55:10]呢個提意幾好喎!
    [寧靜中的不寧靜回覆05/30/2013 06:39:15]擺定D冰綠茶, 冰烏龍茶0係雪櫃啦, 大家見熱熱地既時候都可以消暑一下~
    [版主回覆05/29/2013 10:52:20]袁生好喜愛食粉皮架,所以冇肉食佢都冇所謂,何況袁生都熱到傻左喇!

    回覆刪除
  2. 經濟, 醒胃.
    [版主回覆05/29/2013 16:19:10]仲好好味添!

    回覆刪除
  3. 我次次都去九龍城買,星期六我打算整粉皮(雞絲).
    [版主回覆05/30/2013 23:55:46]雞絲粉皮我都愛

    回覆刪除
  4. 我有芝麻醬,可以做雞絲粉皮wo~
    [版主回覆05/31/2013 15:45:01]雞絲粉皮我都愛

    回覆刪除

老行家官燕蘋果玫瑰果醬食譜 ~蘋果果醬麵包卷~

繼續同大家分享老行家品牌官燕果醬禮盒食譜 , 繼續分享蘋果玫瑰果醬 , 之前就用來製作雞扒 , 美味滿分兼袁生相當滿意後 , 今次就用來配上白方包製作甜點 , 用來作下午茶就最適合 , 而且材料同製作亦非常簡單 ......