不過既然開到口，我當然會煮個湯俾佢，但夜爛人靜，街市又收檔，超市又關門，咁事問我應該去邊度買材料呢 ???
好好彩地雪櫃百寶箱有材料可以整周打湯，但居然冇主要材料 : 蜆，雖然冇蜆但就有雞扒，咁就可以整周打雞肉湯，另外加左我至愛的素翅，大家覺得個賣相係咪高貴左呢，煮好後就俾袁生試下，袁生居然大讚話好好味，仲話初時叫我咁夜先煮湯，多數以為袁太會好簡單咁整罐頭湯俾佢飲，估唔到袁太會用雪櫃剩餘物資黎整個西式湯，真係唔到唔寫個"服"字俾我 !
周打雞肉素翅湯
材料 : 雞扒<1塊>，薯仔<1個>，洋蔥<半個>，清雞湯<1L>，淡忌廉<4湯匙>，麵粉，水<適量>，雜豆<1包>，素翅<適量>
做法 :
1. 薯仔，洋蔥去皮後切粒，雞扒切粒灼熟盛起，素翅用水煮約5分鐘盛起備用
2. 燒紅鑊，爆香洋蔥，薯仔，加入清雞湯及水煮至薯仔軟身
3. 再加入雞肉，淡忌廉，麵粉，水煮滾
4. 最後加入素翅，雜豆煮片段，加少許鹽，黑胡椒碎調味即可
嘩，夜媽媽都仲咁有心機整個湯，袁生真係幸福呢
回覆刪除[版主回覆06/13/2013 20:47:33]咁袁生叫到,梗係要整俾佢飲喇!
袁生好幸福呀~~~~~~~
回覆刪除呢個湯一定好好口感, 因為有素翅, 又有雞肉~~~~~
如果有個法包可以點下個湯就更perfect~~~~
[版主回覆06/13/2013 20:47:17]係喎,如果加埋法包一定好正!
好厲害，隨手打開屋企個雪櫃就可以煮到呢個湯，簡直好似肥媽個節目咁呀﹗袁生真幸福，有個咁好既老婆~~
回覆刪除[版主回覆06/14/2013 00:14:27]係因為我成日都會入定好多貨放係雪櫃,因平時放工夜,想煮飯的話起碼雪櫃有材料唔駛煩!
我雪櫃得d 無聊野，夜媽媽叫我煮，根本無可能
回覆刪除[版主回覆06/25/2013 21:23:48]咁咪入番D貨放係雪櫃預備不時之需囉!