出街做事的時候都覺得暈暈地，何況有時出入一冷一熱的地方，身體差D都好易中招，唔係喉嚨痛就好似訓極都唔夠，唔止係我，就連袁生都有少許唔舒服，所以我就焗左菊花茶飲下，再加有益的圓肉同杞子，唔駛問一定好味
不過今次就唔係用煲的方法，而係簡簡單單咁焗出味，早一日浸係熱水內，放涼入樽放雪櫃就可，呢個菊花茶足足焗左12小時
我就選擇早晚各一杯，袁生個份我就入樽雪凍佢俾佢帶番公司慢慢飲，唔駛好耐袁生已經打俾我話已經飲晒了，真係多謝捧場
係咁炎熱的天氣之下，日日都出咁多汗，得閒整有益的飲品保護身體，好過飲咁多汽水喇，大家話係咪 ???
材料同做法都非常簡單，只要菊花1両，杞子30餘粒，圓肉10粒，適量熱水
所有材料洗淨放入燉盅，加入熱水浸滿所有材料，蓋上蓋焗12小時(焗的時間越耐越好)
放入樽後放入雪櫃雪凍即可
此菊花茶可熱飲凍飲，袁生袁太就喜愛凍飲多些，始終天氣炎熱，飲熱飲恐怕會死掉
袁太建議早晚各飲一杯，千其唔好問我點解，但我覺得飲後早上精神好些，夜晚訓得好D !
係呀, 汽水太多糖......唔好講汽水, 買飲品既時候都要睇清楚....分分鐘飲一支, 就成日都唔使食糖....
回覆刪除自家製菊花茶好好多~~~~雪凍佢仲冰涼~~
[版主回覆08/15/2013 23:34:39]袁生話仲淡過水
[版主回覆08/15/2013 23:33:47]袁生話仲淡過水
[寧靜中的不寧靜回覆08/14/2013 05:41:32]我就0係見超市做特價, 一次過買左2支.....一飲就知中伏了了了....
冇味, 淡mou mou, 只係得甘口既菊花味......好似飲花旗参一樣.......我好怕花旗参......
係好難飲.....
[版主回覆08/13/2013 22:55:29]袁生飲過,話冇味之餘連菊花味都冇喎,仲話超難飲添!
[寧靜中的不寧靜回覆08/12/2013 06:01:49]汽水, 雪糕太甜, 食完飲完只會愈來愈口渴.....
加少少冰糖/片糖, 苦味就冇啦~
係喎...你有冇飲維他新出既無糖菊花茶呀?
[版主回覆08/12/2013 00:06:23]但一般人覺得汽水解渴，有些人會覺得自製菊花茶會有苦苦地的味道,唔太喜愛呢!
你真係好老婆.
回覆刪除[阿黃送金桔回覆08/12/2013 00:15:07]他已經習慣了.
[版主回覆08/12/2013 00:06:42]但袁生唔太覺得喎!
好貼心的老婆呀 !!!!! 仲可以雪凍 啱晒男人呢
回覆刪除[版主回覆08/12/2013 00:07:08]男人真係唔多喜愛飲熱飲!
我都係鐘意飲凍飲
回覆刪除杞子圓肉菊花茶好好飲!!好過飲汽水
[版主回覆08/12/2013 00:08:09]最近天氣好似乾蒸咁,飲番杯有益凍飲係一個好好的選擇!
呢個好味呀...我有時都會焗定d放係雪櫃
回覆刪除[版主回覆08/12/2013 00:08:24]雪凍真係好飲好多!
呢個一流.good
回覆刪除[版主回覆08/13/2013 22:55:49]~yeah~
呢個利尿去濕~啱我飲呢~!
回覆刪除[版主回覆08/13/2013 22:56:28]其實我都唔知有咩功效架,只係知有益健康,原來有利尿去濕既!