最初想整豬肉卷，但之前已經買左雞扒，所以 ... 唔食咁多肉，就不如用袁生至愛的材料，係桂花魚，去魚檔叫叔叔幫我起肉兼切片，真係幫我慳左唔少功夫，唔該晒 ^v^
但咁細塊魚片再要卷其他材料，都咪話唔辛苦，企左係廚房滴晒汗，先整左八舊魚卷咁大把 !
魚卷裡面仲有蘆筍同冬菇，再用芹菜絲綁住魚卷，清清地幾好味架，芹菜的味道同魚都幾夾，最緊要袁生喜愛就OK !
香芹絲蒸桂花魚卷
材料 : 桂花魚<1條>，蘆筍，冬菇<適量>，芹菜<1扎>
醃料 : 油，生粉，鹽<少許>
做法 :
1. 桂花魚叫魚檔幫忙起肉切片，加入醃料拌勻備用
2. 冬菇浸至軟身後切條，蘆筍切條，芹菜浸一浸熱水後撕成絲
3. 桂花魚片卷入冬菇條，蘆筍，再用芹菜絲綁好放上碟，用大火隔水蒸8分鐘
4. 將油同蒸魚豉油煮熱，淋在桂花魚卷上即可
我又要....因為我既魚類最愛係桂花~~~
回覆刪除[版主回覆08/13/2013 22:52:39]我都好喜愛蔥蔥
[寧靜中的不寧靜回覆08/12/2013 05:59:29]煎既, 蒸既我都愛~~~ 不過要多蔥~
[版主回覆08/12/2013 00:09:20]鯇魚我愛
[寧靜中的不寧靜回覆08/10/2013 05:51:57]唔係多骨.....又滑...又啖啖肉..........
其次就係鲩魚心~
[版主回覆08/10/2013 00:57:30]同袁生一樣喎!
呢個吸引, 但我相信好多魚檔唔肯起肉, 桂花魚又唔係貴
回覆刪除[版主回覆08/10/2013 00:58:15]通常街市魚檔,如果開聲的話,一定會幫妳起肉既!
幾得意,見到都想食蘆筍我都好鐘意食,豬肉/牛肉卷就食得多,呢個未整過.
回覆刪除[版主回覆08/10/2013 00:59:32]就係因為牛肉卷,豬肉卷食得多都有少少厭,何況魚卷清清地,夏天食唔錯架!
好有心機呀
回覆刪除[版主回覆08/12/2013 00:09:58]偶然都要煮下特別的食物既
好想食呀~~~
回覆刪除[版主回覆08/13/2013 22:53:20]咁我加多雙筷喇
你真係勁呀!個魚卷整得好靚好吸引呢~!!!!
回覆刪除[版主回覆08/13/2013 22:53:58]講到烹飪我點都冇黃師奶妳咁勁喇