平時袁太比較喜愛食梅子蒸排骨，因為媽咪最喜愛這種整法，所以真係由係食到大，但最近真係好少lu，點解 ??? 平時工作又忙，已經好耐冇番娘家食飯了，何況袁生一向唔太喜愛酸味味的餸，所以梅子呀，檸檬呀呢類食材好少會係袁太廚房出現
其實蒸排骨最好味同最簡單就一定係用豉汁，以前的我會用蒜蓉，豆豉回家自己剁，但我最近上網好多Blog友都說大孖醬園的豆豉醬好味，咁啱前幾日去觀塘做野，當然去大孖到逛一逛，由於趕住做野的關係，所以去到只係主攻蒜蓉豆豉醬，對我來說一樽太過大了，因唔係成日煮，好在可以買細細包，細包裝都可以煮好多餐
另外以前會買急凍排骨，但今次就買新鮮既，始終新鮮一定會比急凍好，仲有加埋至愛的蘆筍墊底
好喇，係時候等袁太講下對大孖醬園的感覺，講真我都覺得大孖醬園的豆豉醬味道真係唔錯，好味過超市買個幾款大型牌子，等我下次再試下大孖的其他醬料先 !
豉汁蒸排骨
材料 : 肉排<1條>，蘆筍<適量>，水<2湯匙>
醃料 : 大孖蒜蓉豆豉醬<1.5湯匙>，蠔油，生粉，酒，雞粉，糖，胡椒粉<適量>，辣椒(切粒)<1條>
做法 :
1. 肉排切件後加入所有醃料醃30分鐘
2. 蘆筍洗淨放入鑊中煮至熟透，盛起放上碟備用
3. 將醃好的肉排加入2湯匙水拌勻後放上碟，用中慢火隔水蒸8分鐘，熜火不要開蓋焗5分鐘
盛起放在蘆筍上即可
D蘆筍索哂D汁......一定好好味~
回覆刪除你地食唔食麵豉架? 一樣都唔錯喎~~~
[版主回覆08/05/2013 16:11:32]我食架,但麻煩袁生唔食囉!
我也愛排骨呢 !! 送飯食一流呢
回覆刪除[版主回覆08/05/2013 16:11:12]飯都可以食多碗!
我爸爸最中意食同整哩個！如果佢煮飯嘅話，唔係蒜蓉豆鼓蒸排骨就係蒸魚
回覆刪除[版主回覆08/05/2013 16:12:02]蒜蓉蒸排骨真係任何人都愛!
呢個排骨我老公都好LIKE 食架~個汁仲好好送飯TIM!~!
回覆刪除[版主回覆08/05/2013 16:12:32]有汁送飯,真係可以食多幾碗架!
呢個超送到飯,但排骨膽固純幾高,屋企有三高人士.較少煮.除了鮮廬筍,可以用豆卜.南瓜放底
回覆刪除[KL回覆08/05/2013 17:26:35]唉.人間美食都唔識欣賞
[版主回覆08/05/2013 16:13:33]我以前喜愛南瓜,但都係個句,袁生討厭南瓜
呢款好味又簡單！
回覆刪除[版主回覆08/05/2013 16:13:53]送飯一流