最近天氣日日都落大雨，雖然落雨冇咁熱，有少少涼風，但放工番到屋企都唔想煮飯，如果仲要我係廚房入面進行煎炒煮炸的活動，我一定會死，但唔煮又冇飯開，因為我係一個唔喜愛買外賣的人，所以就用簡單的烹調方法去製作晚餐，大家估唔估到係咩呢 ???
時間到 ... 答案係 ... 焗爐
只要將有關材料處理好，放入焗爐開製就可以，夏天的最好食材就係蔬菜，唔知大家的男朋友或者老公喜唔喜愛食蔬菜呢 ??? 我家的袁生同蔬菜都唔知係咪有仇，叫佢食多D有益有營養的蔬菜真係好難，仲難過叫小朋友食，所以今次就買左蔬菜，再加埋菇菇一齊焗
另外秘密武器係芝士，因為袁生喜愛芝士，希望有芝士的帶動下袁生會食多少少蔬菜 !
芝士蔬菜焗菇菇
材料 : 西蘭花，椰菜花，冬菇，秀珍菇，蘑菇，洋蔥，車厘茄，紅椒，黃椒，忌廉湯，牛油同Mozzarella Cheese (份量大家可以喜愛幾多就幾多，冇咩所謂架^v^)
做法 :
1. 西蘭花，椰菜花洗淨，放入滾水中煮至半熟透，盛起隔水後放入焗盤內
2. 冬菇浸水至軟身後切片，蘑菇洗淨切片，秀珍菇洗淨備用
3. 紅椒，黃椒洗淨切條，洋蔥去皮切條，車厘茄切半
4. 燒紅鑊，將牛油煮溶，爆香洋蔥後加入所有菇類及紅椒，黃椒炒一炒，倒入忌廉湯煮至杰身
5. 將湯汁倒在蔬菜上，再放上車厘茄，最後灑上芝士
6. 放入焗爐用200C焗約8-10分鐘至金黃色即可
時間到 ... 答案係 ... 焗爐
只要將有關材料處理好，放入焗爐開製就可以，夏天的最好食材就係蔬菜，唔知大家的男朋友或者老公喜唔喜愛食蔬菜呢 ??? 我家的袁生同蔬菜都唔知係咪有仇，叫佢食多D有益有營養的蔬菜真係好難，仲難過叫小朋友食，所以今次就買左蔬菜，再加埋菇菇一齊焗
另外秘密武器係芝士，因為袁生喜愛芝士，希望有芝士的帶動下袁生會食多少少蔬菜 !
芝士蔬菜焗菇菇
材料 : 西蘭花，椰菜花，冬菇，秀珍菇，蘑菇，洋蔥，車厘茄，紅椒，黃椒，忌廉湯，牛油同Mozzarella Cheese (份量大家可以喜愛幾多就幾多，冇咩所謂架^v^)
做法 :
1. 西蘭花，椰菜花洗淨，放入滾水中煮至半熟透，盛起隔水後放入焗盤內
2. 冬菇浸水至軟身後切片，蘑菇洗淨切片，秀珍菇洗淨備用
3. 紅椒，黃椒洗淨切條，洋蔥去皮切條，車厘茄切半
4. 燒紅鑊，將牛油煮溶，爆香洋蔥後加入所有菇類及紅椒，黃椒炒一炒，倒入忌廉湯煮至杰身
5. 將湯汁倒在蔬菜上，再放上車厘茄，最後灑上芝士
6. 放入焗爐用200C焗約8-10分鐘至金黃色即可
我好相信, 有芝士既引誘之下.....袁生一定食多D~
回覆刪除如果下次整肉醬意粉呀, 總之有汁既意粉, 你可以用攬拌機打爛哂D蔬菜, 好似西蘭花, 洋蔥, 菇菇......再加茄醬, 芝士......
袁生可能食唔出架~
[寧靜中的不寧靜回覆08/07/2013 06:42:54]吓???? 你既枕邊人唔通...有幾百歲??? 哈
[版主回覆08/05/2013 16:08:44]佢成日話識得食野的時候,我都未出世喎!
[寧靜中的不寧靜回覆08/05/2013 05:32:01]袁生.....果然係一位食家.....
[版主回覆08/05/2013 01:34:34]以前試過喇,佢一樣食得出入面有蔬菜架!
芝士味正呀
回覆刪除[版主回覆08/05/2013 01:34:59]相信好多人都唔會抗拒芝士!
喜歡.但屋企老細會揀黎食,但我通常都會買自己鐘意食
回覆刪除[KL回覆08/05/2013 17:25:04]初初你會好介意批評,但日子久了,你會麻木,當耳邊風吧,屋企有一個,娘家又有一個.
[版主回覆08/05/2013 16:09:50]所以話男人都是一種麻煩的東西!
[KL回覆08/05/2013 13:11:52]你知道嗎有d大爺好麻煩,呢樣我唔食,個樣又無肉,呢d又唔夠咸,個d又油得滯,我都是過來人,不要太在意
[版主回覆08/05/2013 01:36:25]但煮完出黎,如果屋企位大爺唔喜愛食,我會好唔開心架!
我都好中意用焗爐整野食...HAHA...擺晒落去就得~~
回覆刪除方便呀!
[版主回覆08/05/2013 01:36:44]用焗爐真係非常方便
加咗芝士就實鍾意啦....好味到連小朋友都氹得到喇....
回覆刪除[版主回覆08/05/2013 01:37:49]好多小朋友都唔喜愛蔬菜,用芝士引佢地就最好不過!
呢個好健康~加多D 芝士仲好魔鬼TIM!~
回覆刪除[版主回覆08/05/2013 16:10:18]太多芝士我不行喇