大家係咪想破口大罵，袁太，食拉麵隨時都可以食喇，需唔需要等到放假先食，大家可以冷靜少少聽我講埋先，我知食拉麵係好簡單，但如果我話湯底係由自己煮呢，其實一般食拉麵通常都會買現成回來，自己去熬製湯底真係想都冇想過，但袁生成日話超市買回來一D都唔好味，又話最近咁熱夜晚都唔想食飯，袁生講到咁，大家話試問我點可以再買現成拉麵的湯底回來呢 ??? 所以最佳方法就係自己煮 ...
拉麵湯底首選一定係豬骨味，袁太足足煮左6小時，所以呢碗豬骨湯的味道濃郁，簡直超級好味
再加上大家都喜愛的雞扒，拉麵配菜我一定會選擇雞蛋，木耳同粟米粒，再加上雪櫃仲有竹笛，即係獅子狗
一碗望上去簡簡單單的拉麵，其實真係花左唔少時間去烹調，袁太經常覺得烹飪係一種興趣同樂趣，唔係想俾人知我煮得一手好菜，而係想身邊的人食得開心，健康同滿足，我就會開心到爆燈了 !
照燒雞扒豬骨湯或拉麵
豬骨湯底材料 : 豬筒骨<3條>，粟米<2條>，蒜頭<2個>，蔥<適量>，薑<幾片>
做法 :
1. 豬骨出水5分鐘盛起，蒜頭搣開(不去皮)，粟米洗淨斬開，蔥洗淨切段
2. 煲內放入適量水，放入所有材料，滾後轉慢火煲6小時
3. 盛起加入少許黑胡椒，海鹽調味即成豬骨濃湯底
煲好豬骨湯底後要整照燒雞扒
材料 : 雞扒1塊，醃料 : 日式醬油5湯匙，味淋<3湯匙>，糖，薑汁<適量>
做法 :
1. 雞扒解凍洗淨抹乾水份，加入醃料拌勻醃1小時
2. 燒紅鑊，放入鑊中煎至兩面金黃色，盛起待涼切件即可
另外拉麵配菜處理 : 雞蛋放入滾水中煮5分鐘，待涼去蛋殼切半，木耳浸水至軟後切絲，放入滾水內灼一灼，竹笛放入鑊中煎至金黃色後切件備用
最後步驟 : 將之前豬骨濃湯煮滾放入大碗內，再將煮熟的拉麵放入湯中，再將雞扒放在拉麵上，逐一放上配菜即可
一碗碗熱辣辣的豬骨拉麵完成喇 !
拉麵湯底首選一定係豬骨味，袁太足足煮左6小時，所以呢碗豬骨湯的味道濃郁，簡直超級好味
再加上大家都喜愛的雞扒，拉麵配菜我一定會選擇雞蛋，木耳同粟米粒，再加上雪櫃仲有竹笛，即係獅子狗
一碗望上去簡簡單單的拉麵，其實真係花左唔少時間去烹調，袁太經常覺得烹飪係一種興趣同樂趣，唔係想俾人知我煮得一手好菜，而係想身邊的人食得開心，健康同滿足，我就會開心到爆燈了 !
照燒雞扒豬骨湯或拉麵
豬骨湯底材料 : 豬筒骨<3條>，粟米<2條>，蒜頭<2個>，蔥<適量>，薑<幾片>
做法 :
1. 豬骨出水5分鐘盛起，蒜頭搣開(不去皮)，粟米洗淨斬開，蔥洗淨切段
2. 煲內放入適量水，放入所有材料，滾後轉慢火煲6小時
3. 盛起加入少許黑胡椒，海鹽調味即成豬骨濃湯底
煲好豬骨湯底後要整照燒雞扒
材料 : 雞扒1塊，醃料 : 日式醬油5湯匙，味淋<3湯匙>，糖，薑汁<適量>
做法 :
1. 雞扒解凍洗淨抹乾水份，加入醃料拌勻醃1小時
2. 燒紅鑊，放入鑊中煎至兩面金黃色，盛起待涼切件即可
另外拉麵配菜處理 : 雞蛋放入滾水中煮5分鐘，待涼去蛋殼切半，木耳浸水至軟後切絲，放入滾水內灼一灼，竹笛放入鑊中煎至金黃色後切件備用
最後步驟 : 將之前豬骨濃湯煮滾放入大碗內，再將煮熟的拉麵放入湯中，再將雞扒放在拉麵上，逐一放上配菜即可
一碗碗熱辣辣的豬骨拉麵完成喇 !
我唔會鬧你....放心, 因為我深明想身邊人食得開心, 健康既道理~
回覆刪除因為出面買到既湯底太多味精, 太多鹽啦, 對身體真係唔好......
我最buy係隻蛋同竹笛.....d竹笛索下d湯..qq地, 好好味~!!
我又要.....哈
[寧靜中的不寧靜回覆08/18/2013 06:00:53]醫生講粒野點呀???
[版主回覆08/18/2013 01:58:22]係因為袁生喜愛食外賣姐,而家條腰簪間唔中都有痛架,不過好過未做手術個時既!
[寧靜中的不寧靜回覆08/16/2013 06:10:06]佢都唔想你太辛苦....何況你好番冇耐...
你而家見點呀????
[版主回覆08/15/2013 23:38:41]袁生就係一個唔太喜愛老婆日日入廚房的男人!
[寧靜中的不寧靜回覆08/14/2013 05:44:19]出面既真係愈飲愈口渴......
好野~~~~~~
"我唔煮飯袁生就最開心!"------->有住家飯吃喎...唔開心??
[版主回覆08/13/2013 23:10:25]出面街又真係太多味精既,自己整永遠都係健康D,好喇,見妳咁乖,留番碗俾妳喇!
出面個d又貴,又麻麻地,你煮得賣相幾好.我通常都係買超市個d拉麵,而家甘熱煮飯好辛苦越簡單越好.
回覆刪除[版主回覆08/13/2013 23:12:13]呢個夏天真係熱到唔想煮飯,我唔煮飯袁生就最開心!
嘩 好比心機呀 呢碗麵100分呀 !
回覆刪除[版主回覆08/13/2013 23:12:36]可唔可以再多D分呀
Waaaaaaaaaaaa
回覆刪除6個鐘！！！！
好有心機呀～～
[版主回覆08/13/2013 23:13:50]6個鐘唔算多喇,我見過有人煲成十幾個鐘呀!
嘩...好勁呀...自己煲豬骨湯底
回覆刪除真係好有心機...袁生超級幸福呀！
[版主回覆08/13/2013 23:14:07]好多人都覺得袁生幸福,但佢仲未覺得自己幸福喎
真係唔少功夫. 不過我認同煮野係一種興趣同藝術, 所以係值得的.
回覆刪除[版主回覆08/13/2013 23:14:37]仲係一種美德添!
呢個湯底好多功夫~我冇你咁好心機呢~!
回覆刪除[版主回覆08/13/2013 23:15:29]偶然都要付出多D時間整特別的食物既!
袁太，你好厲害!
回覆刪除自製豬骨濃湯底，可以開拉麵店啦!
[版主回覆08/13/2013 23:15:57]我想開Cafe多D喎!
好正呀, 不過要整6個小時咁耐 >< 咪要成日睇火@@
回覆刪除[版主回覆08/15/2013 23:39:39]咁又唔需要經常睇火,因轉左慢火等佢自己慢慢煮!