當今朝七點幾起身的時候，用手機上網睇下最新風暴消息先，其實最主要都係想知道8號係咪仍然生效，知道仲係8號，當然繼續訓，訓到大約十點又醒左，依然仲係8號，心諗應該多數唔駛番工掛，就好開心同袁生落街食早餐，點知番到屋企睇電視居然話天文台會於下午兩點前後會改發3號，嘩 ... 講到咁尷尬
咁究竟係兩點前 ??? 定係兩點後呀 ??? 好大分別喎，點知點幾鐘就轉左3號，冇計喇，我同袁生都要上班，仲諗住係屋企可以休息下，咁夜晚餐飯點算呢 ???
放工番到去街市又收晒，又唔想食杯麵，所以就打俾已放工灰在家的袁生幫忙睇下廚房或者雪櫃有咩可以煮，點知都係得煙肉，雞翼，蘆筍，冬菇，豆腐，急凍秋刀魚，菠蘿等等 ...
呢幾樣材料究竟可以煮D咩呢 ??? 係諗唔到的情況下，最簡單就係整串燒，雖然全部都係用雪櫃的剩餘物資，但袁生見到我可以轉化為好味的串燒，真係服到我呢個老婆五體投地，大家可能會問，晚餐只係食申燒會唔會唔夠飽呀，我可以同大家講"唔會"，其實我一整都整左十幾串，兩個人食已經好夠，夠晒飽了 !
雜錦串燒(六小串)包括有 :
鹽燒冬菇，黑胡椒豆腐，煙肉蘆筍卷，椒鹽燒雞翼，醬油燒秋刀魚，烤菠蘿
事前準備 : 串燒竹籤用熱水煮一煮先好用
雜錦串燒
鹽燒冬菇 : 冬菇浸水至軟身，用竹籤串好，放入鑊中每面煎約兩分鐘，盛起灑上少許海鹽，放入焗爐用180C焗5分鐘即可
黑胡椒豆腐 : 豆腐切件後用竹籤串好，每面灑上少許鹽及黑胡椒，放入鑊中煎至兩面金黃色即可
煙肉蘆筍卷 : 蘆筍切段放入滾水灼一灼，盛起放入煙肉中包好，放入鑊中煎至煙肉有少許金黃，放入焗爐用180C焗3分鐘即可
椒鹽燒雞翼 : 雞中翼解凍洗淨抹乾水份後加入生抽，糖，鹽，生粉，麻油，酒拌勻醃1小時，將醃好雞翼用竹籤串起，放入鑊中煎至兩面金黃色，再放入焗爐用190C焗約3分鐘至雞皮脆脆地，取出灑上適量椒鹽即可
醬油燒秋刀魚 : 秋刀魚洗淨抹乾水份，將1/4杯醬油，1/4杯味淋，適量糖放入煲內以慢火煮滾，煮至汁料成濃稠狀態便可熄火備用，焗盤放上錫紙，再放上用竹籤串好的秋刀魚，放入焗爐用200C焗10分鐘約八成熟，取出掃上醬油汁料，再放入焗爐焗至乾身即可
烤菠蘿 : 將新鮮菠蘿切粒，用竹籤串好，灑上少許鹽調味，放入焗爐烤至少許濃邊即可
仲正到暈呢？清吓再入貨.
回覆刪除[版主回覆08/15/2013 23:40:33]係呀,假期又要同雪櫃入貨了
勁呀...俾我見到呢堆材料一定唔會諗到可以點處理呀
回覆刪除[版主回覆08/15/2013 23:40:50]整串燒就最方便不過喇
天文台話既兩點前後, 通常都差距十幾分鐘, 多數"前"居多.......
回覆刪除不過就真係要時刻留意消息, 做定準備啦~
又可以清貨, 又夠飽, 好野~~
有煙肉喎....正~
[寧靜中的不寧靜回覆08/17/2013 05:36:39]
[版主回覆08/17/2013 00:25:07]我都係喜愛肥膏
[寧靜中的不寧靜回覆08/16/2013 06:11:19]係呀~~~~不過係加多D肥膏, 因為我唔愛瘦煙~~~
[版主回覆08/15/2013 23:42:20]原來妳喜愛煙肉既,過幾日又要同雪櫃入貨了
回覆刪除[版主回覆08/15/2013 23:42:48]
good
回覆刪除[版主回覆08/15/2013 23:43:07]very good
Woooo
回覆刪除清一清冰格又可以再上倉~
正呀!
[版主回覆08/15/2013 23:43:35]係呀,過幾日會去補倉喇
串燒正呀 !!
回覆刪除[版主回覆08/15/2013 23:43:53]串燒可以話簡單又好味
回覆刪除[版主回覆08/18/2013 02:00:15]咁俾條口水肩妳用喇!
好聰明呀
回覆刪除[版主回覆08/18/2013 01:59:42]每當打風就一定係清雪櫃的時候了!