2013年12月21日 星期六

餃餃。。。震 <附白菜木耳豬肉餃 & 香菇豆苗餃食譜>

又偷懶左幾日冇upload食譜添,冇辦法喇,天氣實在太凍,太寒了,袁太每晚食飽飽都立刻跳上床,躲在被竇入面暖暖,電腦都懶得開,眼見有太多食譜儲存在電腦內,點都要清清呢

天氣凍自然想食熱辣辣的食物,除左打邊爐,羊腩煲,食新鮮熱辣辣的餃餃都係一個唔錯的選擇,食餃餃當然又係自己包喇,今次餡料有兩款包括白菜木耳豬肉同香菇豆苗豬肉,一共包了三十二隻,一半份量做湯餃做晚餐,其餘放入雪櫃留待下次打邊爐享用吧




左面有香菇豆苗豬肉餡,右面有白菜木耳豬肉餡,右上角有入左鏡的BB



白菜木耳豬肉餃 & 香菇豆苗豬肉餃
材料 : 白菜3棵,豆苗$10,冬菇,木耳適量,豬肉碎$20(每款各一半份量)

醃料(白菜木耳豬肉餃) : 生抽,老抽,鹽,糖,生粉胡椒粉,麻油,油

醃料(香菇豆苗豬肉餃) : 生抽,鹽,糖,生粉胡椒粉,麻油






做法(白菜木耳豬肉餃) :
1. 大白菜洗淨放入滾水中灼熟盛起切碎及搾乾水份,木耳浸水至軟切絲


2. 豬肉碎放入大碗中,加入木耳絲,大白菜碎,醃料拌勻,放入雪櫃2小時


3. 將餡料放入餃皮的中間位置,搽少少水係餃皮邊對摺封口




4. 水餃由左至右摺數下,放在有生粉的碟上即可





做法(香菇豆苗豬肉餃) :
1. 豆苗洗淨放入滾水中灼熟盛起切碎及搾乾水份,冬菇浸水至軟身後切粒


2. 豬肉碎放入大碗中,加入冬菇粒,豆苗碎,醃料拌勻,放入雪櫃2小時


3. 將餡料放入餃皮的中間位置,搽少少水係餃皮邊對摺封口

4. 水餃每邊摺兩下,放在有生粉的碟上即可






兩款餡料共包了三十二隻餃餃



燒滾水,加少許雞粉煮滾,放入水餃煮至滾後,再加一碗水入湯餃內,煮至再滾,再加一碗水,再煮滾即可


一碟自家製美味餃餃就完成了~Yummy~



8 則留言:

  1. BB入鏡了~~佢係唔係"候"住D食物呢?? BB今年有冇冬至大餐??

    回覆刪除
    回覆
    1. 我每次係廳到整食物,佢都會望住我架,如果BB乖既咪有大餐,最近好頑皮呀

      刪除
    2. 最近成日無端端亂咁吠,袁生都唔知鬧左佢幾多次

      刪除
  2. 嘩~~~ 冬天又真係好想食餃子... 賣相好好呀! ^^

    回覆刪除
    回覆
    1. 食熱辣辣的餃仔真係唔錯架,多謝讚賞hehe...

      刪除
  3. 我媽咪都好鍾意包雲吞架.....不過多數鮮蝦,冬菇及豬肉~

    回覆刪除

老行家官燕蘋果玫瑰果醬食譜 ~蘋果果醬麵包卷~

繼續同大家分享老行家品牌官燕果醬禮盒食譜 , 繼續分享蘋果玫瑰果醬 , 之前就用來製作雞扒 , 美味滿分兼袁生相當滿意後 , 今次就用來配上白方包製作甜點 , 用來作下午茶就最適合 , 而且材料同製作亦非常簡單 ......