四人火鍋晚餐之鴛鴦湯底 <冬陰公湯 + 芫茜皮蛋湯>

天氣簡直凍到暈，不過屋企比街上還要凍，最好的晚餐一定係火鍋吧，爹地媽咪都會同我們一起烚下烚下，雖然晚餐以火鍋做主題係好方便，但想想究竟用咩湯底就真係煩煩了

因已經討厭醉雞湯底，沙爹湯底及麻辣湯底，想炮製一鍋特別的火鍋湯底，想呀想呀都係喜愛冬陰公湯底，不過又驚爹地媽咪唔太喜愛，所以另外有個簡單的芫茜皮蛋湯底，一邊清熱，一邊酸酸酸辣辣好開胃呢。。。

唔講咁多，四人火鍋晚餐開始，時間無限，飲品任飲

鴛鴦湯底 (冬陰公湯 + 芫茜皮蛋湯)，好足料呢

仲有好多火鍋配料，等我逐一介紹喇，包括有 :

火鍋必需品 : 黑椒牛丸，醬爆豬肉丸，蟹籽丸，墨魚丸，牛筋丸

榭記出品 : 枝竹及響鈴

袁生至愛 : 炸魚皮，袁大至愛 : 鮮魚皮

火鍋配料當然唔會少得牛肉，有肥牛同鮮滑牛

袁太爹地至愛的雲吞同水餃

還有好多好多配料

滑嘟嘟又核突的雞子(袁生話想試下喎)，仲有鴨粉腸

例牌的肥鵝腸，珊瑚蚌，豬皮，芋絲

當然唔少得蔬菜類 ，首選 : 生菜

一齊預備好了~開餐~