煎釀三色椒

 

平時我會好少煮三色椒 , 點解 ???

因為我同袁生都唔係太喜愛這類 "椒椒" 呢

但自從上次整串燒的時候 , 突然覺得三色椒好好味

自始就逐漸愛上了 ......

大家可能會問愛上的程度 , 應該還是一級程度

但我可以話今次簡直瘋狂愛上 , 無時無刻都想食

所以又去了超市買大大隻鮮鮮艷艷的三色椒回家

三色椒對我來說除了當配菜位置外 , 最簡單同最受歡迎一定係煎釀做法呢

簡簡單單釀了魚肉 , 煎好再淋上甜豉油 , 已經好滿足

唯獨是袁生只愛青椒

所以黃椒 , 紅椒就要落我肚了

材料
三色椒<各一隻> , 鯪魚肉<半斤>



做法
1. 鯪魚肉加入鹽 , 麻油 , 胡椒粉拌勻醃10分鐘

2. 三色椒洗淨去籽切件 , 將醃好的鯪魚肉釀入三色椒中

3. 燒紅鑊 , 將三色椒夜入鑊中煎至兩面金黃色 , 盛起淋上甜豉油即可