玉子燒三文治配乳酪楓糖醬

每個星期天 , 袁生袁太多數會留在家中休息休息

因我們唔喜愛多人的地方 , 何況有什麼地方好得過留在家呢

就算落街 , 只會去食早餐同買餸

不過由於袁生要趕圖俾客的關係 , 所以袁太只好買外賣早餐回家

但附近的餐廳已食到厭倦了

唯一辦法 , 都係自家製呢 , 哼 ......

自家製早餐首選當然係三文治

其實我比較喜愛姿飯 , 豆漿 , 油條多一些 , 但可惜袁生不愛中式早餐

三文治餡料大家都愛蛋治

雪櫃還有煙肉 , 生菜 , 乳酪

用盡所有材料炮製美味足料三文治 , 只要去麵包店買麥包就可以

不過今次唔係普通炒蛋治

只係整玉子燒 , 厚厚的玉子燒再加上煙肉

另外乳酪加上楓糖 , 淋在玉子燒上 , 有少許甜味

I LOVE IT ^^ 

 

材料
麥包2片 , 雞蛋4隻 , 煙肉1片 , 生菜 , 牛油 , 乳酪 , 楓糖



做法
1. 乳酪 , 楓糖拌勻 , 麥包放入焗爐稍為烘一烘後塗上牛油備用 

2. 雞蛋打勻後加入少許鹽 , 黑胡椒拌勻

3. 平底鑊加入牛油煮溶 , 將約1/3的蛋汁放入 , 轉一轉平底鑊令蛋汁平均散開

4. 等到蛋開始變色 , 用鏟卷起來 , 再加少許牛油 , 將卷好的蛋推在前面 , 再加入蛋汁

5. 將蛋卷好滾過來後 , 再推回到前面 , 再加少許牛油及蛋汁 , 重複一樣動作到蛋汁用完

6. 煙肉洗淨切半 , 放入鑊中煎至兩面金黃 

7. 最後在麥包上放生菜 > 煙肉 > 玉子燒 > 乳酪楓糖醬 , 生菜即可

     

     

     

     

 

厚厚玉子燒 , 食半件都飽飽了