涼瓜菜甫煎蛋

~涼瓜~ 有人愛 , 亦有人不愛 , 唔知大家喜愛還是不喜愛呢 ???

每逢夏天 , 袁太好多時候都會用涼瓜做菜

無論煲湯 , 炒 , 炆 , 我統統都愛 , 不過袁太細細聲同大家講

其實以前的我一向係唔多喜愛涼瓜



其實大部份人唔喜愛涼瓜的原因都係怕甘甘苦苦的味道

不過只要行出第一步 , 就會覺得涼瓜其實味道唔錯



整涼瓜對於我來說最簡單而最好味的當然用來煎蛋

簡簡單單將涼瓜切成薄片 , 再加上菜甫

煎成金金黃黃的蛋餅 , 用來送飯好好味呢 ^^




材料
長型涼瓜1個 , 菜甫 , 雞蛋5隻



做法
1. 涼瓜去囊切成薄片 , 菜甫洗淨切粒

2. 涼瓜用少許鹽拌勻醃30分鐘後沖洗再搾乾水份 (去除苦味)

3. 雞蛋打發成蛋液 , 加少許生抽調味拌勻

4. 燒紅鑊(不落油) , 將涼瓜片 , 菜甫粒放入鑊中烘乾水份 , 盛起稍待涼後放入蛋液內拌勻

5. 再燒紅鑊 , 將蛋液逐少逐少煎成金金黃黃蛋餅即可

   

   

一條長型涼瓜 , 這邊街市只係$2/條 , 真係又經濟又好味的餸菜呢