無論炒米 , 家常菜 , 煎釀椒椒等等 ...... 都會用上三色椒
除了感覺色彩繽紛外
最主要係袁生肯食 , 袁生以前係極討厭三色椒的人
雖然袁生而家肯食 , 但暫時只食青椒 , 對紅椒 , 黃椒依然抗拒
今次簡簡單單會用來炒雞柳
再加上袁生愛的腰果 , 袁太愛的菜甫一齊炒
快快手炒埋一碟又一餐
色彩繽紛的三色椒 , 去籽後再切條
切好三色椒後 , 將雞扒去皮切粒 , 加入醃料拌勻
材料三色椒 , 雞扒1塊 , 腰果 , 菜甫 , 蒜蓉
醃料魚露 , 雞粉 , 老抽 , 糖 , 酒 , 胡椒粉 , 水
做法1. 三色椒去籽切條 , 雞扒去皮切粒後加入醃料拌勻醃1小時
2. 燒紅鑊 , 爆香蒜蓉菜甫粒 , 加入雞柳拌勻 , 贊少許酒
3. 雞柳炒至半熟時 , 加入三色椒及1碗水炒至雞柳熟透及汁料開始收乾
4. 最後加入腰果快手拌勻熄火即可
又簡單又好送飯的三色椒腰果炒雞柳完成了 ^^
三色椒好有益, 我仔仔都好鐘意食.
回覆刪除就係因為有益 , 所以袁生就唔多喜愛呢 ~哈~
刪除呢個小炒好味
回覆刪除送飯一流 ^^
刪除照計味道應該係一樣架, 唔通袁生唔鍾意D色??
回覆刪除又唔係喎 , 佢話紅椒 , 黃椒味道怪怪喎 , 唉~佢傻架~冇咩味覺 ~哈~
刪除三色椒顏色靚又有益健，但我老公會淨係食晒啲雞柳！
回覆刪除~哈~原來妳老公同袁生一樣唔太喜愛椒椒呢
刪除三色椒健康呀!~而且賣相仲好靚喎!~
回覆刪除就係因為三色椒健康 , 我家袁生就係唔喜愛有益的食物 , 真俾佢吹漲
刪除想問腰果要自己是炸？還是市面也有香脆腰果不用自己炒的？:-)
回覆刪除我係買超市的現成鹽焗腰果，一開放入鑊炒一炒就可以，好方便呢 ^^
刪除