咁多位~中秋節快樂~
不過今日係落雨天 , 天蔭蔭又冇太陽 , 應該好難賞月呢
不過今日係落雨天 , 天蔭蔭又冇太陽 , 應該好難賞月呢
袁太同往年一樣 , 都在家煮飯仔做節
不過今晚會同爹地媽咪一齊食晚飯
晚餐煮咩餸當然由我來發辦 ......
其實都係簡簡單單整隻雞 , 隻雞今朝去街市要排隊先買到呢
另外買左鴨腳炆俾袁生食 , 再加西生菜墊底
另外買左鴨腳炆俾袁生食 , 再加西生菜墊底
再煲個鯽魚湯
一家人食咩都冇所謂 , 最重要食得開心就OK喇
昨日星期日例牌係煲湯之日
去街市見到大白菜幾靚 , 一於決定煲白菜湯
煲白菜當然要配菜乾同鴨腎
另外加上紅棗 , 甘旬 , 瘦肉一齊煲 , 濃郁美味又多湯渣 ~掂呀~
湯水有白菜 , 菜乾 , 鴨腎 , 甘旬 , 無核紅棗 , 南北杏 , 蜜棗 , 瘦肉八樣材料
白菜洗淨 , 菜乾浸水30分鐘再沖洗乾淨備用
將蜜棗 , 南北杏 , 鴨腎 , 紅棗 , 甘旬 , 瘦肉放入煲內用大火煲30分鐘至出味 , 再放入白菜及菜乾用大火煲滾 , 再轉慢火煲2小時就可以了
材料
白菜1斤 , 菜乾1扎 , 鴨腎3個 , 無核紅棗6粒 , 甘旬 , 瘦肉 , 蜜棗 , 南北杏
做法
1. 白菜洗淨 , 菜乾浸水30分鐘後沖洗乾淨 , 紅棗 , 蜜棗 , 南北杏洗淨備用
2. 鴨腎 , 瘦肉出水 , 甘旬去皮切件
3. 煲內放入適量水 , 凍水放入蜜棗 , 南北杏 , 紅棗 , 鴨腎 , 甘旬 , 瘦肉大火滾30分鐘
4. 再放入白菜及菜乾煲滾 , 轉慢火煲2小時 , 最後加少許鹽調味即可
袁生好喜愛菜湯 , 自動自覺飲左四大碗咁多 ^^
唔知大家有冇經常為湯渣以煩惱呢 , 每次煲湯都剩好多湯渣 , 掉晒又太浪費 , 煲完湯的瘦肉同甘旬例牌冇人食 , 所以煲好湯後將瘦肉 , 甘旬盛起進行大改造 , 大家估唔估到袁太會點做呢 ??? 就等我下回分解吧 ^^
袁生又有靚湯飲, 正!!!
回覆刪除中秋節快樂 :)
我每星期都會煲湯俾袁生飲呢,中秋節快樂
刪除中秋節快樂!!好足料!我就煲來煲去都係嗰幾款湯!HEHE
回覆刪除我估你用舊煲湯肉整豬肉鬆!
嘩 ... 妳又知我用來整肉鬆既,俾個叻叻妳先 ^^ ~中秋節快樂~
刪除袁太，中秋節快樂呀!
回覆刪除年年中秋好似都會落一陣雨，通常晚黑就唔落，
希望今年都係，可以賞下月啦~
芙芙 ~中秋節快樂~
刪除中秋節快樂, 個湯正啊! :)
回覆刪除~中秋節快樂~好足料,多湯渣的靚湯
刪除菜乾好味呀，中秋節快樂！
回覆刪除菜乾湯點都係配白菜煲最好味呢 ~中秋節快樂~
刪除中秋節快樂呀~ 祝你地一家開開心心~
回覆刪除我今次完全估唔到....都係等你開估好了....
個湯完全岩哂我.........呵
~中秋節快樂~個湯啱妳飲就好喇,開左估喇,係新post度
刪除中秋節快樂!我都很喜歡金銀菜鴨腎湯
回覆刪除~中秋節快樂~ 菜乾同鴨腎係袁生至愛呀
刪除袁太，中秋節快樂，祝你一家團團圓圓。我都係一個湯怪。不過，湯渣通常都畀我食晒!
回覆刪除cici中秋節快樂,我平時都好喜愛食湯渣,不過瘦肉同甘旬真係唔會食呢
刪除你老公好幸福~~咁多自家湯水~!
回覆刪除其實我地兩個都喜愛飲湯,所以我一星期都會煲一兩次架
刪除