~Happy New Year 2015~
咁快又到新一年的開始 , 袁太希望大家身體健康 , 工作順利
將2014年唔開心的事全部忘記晒佢
開開心心開始2015年的生活 ......
新的一年 , 袁太以沙律作第一post
唔知大家喜愛傳統酸酸地的沙律還是清清地的沙律呢 ???
我以前就只喜愛雜果沙律
買罐雜果回家 , 再加入薯仔 , 蘋果 , 蝦 , 酸酸的沙律醬拌勻
方便又快捷
但 ...... 現在 ......
我比較喜愛清清地呢
即係簡單用生菜 , 生果 , 橄欖油就攪掂
何況袁生都比較喜愛呢類型的沙律
沙律有生菜 , 蓮霧 , 紅莓乾 , 雞蛋 , 全部都算健康材料
不過見冰箱有幾塊雞柳
又手痕痕想整個炸雞 , 咁就將全部合併
將炸到脆卜卜的炸雞切件 , 全部材料放入大碗內
加入沙律汁 (海鹽 , 黑胡椒粒 , 橄欖油 , 芝士碎) 拌勻就可
最近天氣凍 , 呢款暖沙律唔錯架
不過加左炸雞 , 碗沙律會唔會由健康降級到不健康呢 ???
材料 : 冇皮雞柳 , 生菜 , 蓮霧 , 紅莓乾 , 雞蛋 , 橄欖油 , 海鹽 , 黑胡椒粒 , 芝士碎
雞柳加入鹽及黑胡椒拌勻 , 蓋上保鮮紙醃1小時後準備麵粉 ,雞蛋液及麵包糠
將每塊雞柳逐一沾上麵粉 >> 雞蛋液 >> 麵包糠後放上碟 , 再灑上少許麵包糠在雞柳上 , 蓋保鮮紙放入冰箱冷藏20分鐘
雞蛋冷水放入煲內煮至熟透 (約15分鐘) 盛起待涼 , 燒紅油鑊 , 將雞柳放入用中火慢慢炸至金黃色 , 盛起稍涼後切件
最後將雞蛋去殼切開 , 蓮霧切粒 , 生菜洗淨切細片 , 逐一放入大碗內 , 再加入沙律汁拌勻即可
材料冇皮雞柳5塊 , 生菜1大棵 , 蓮霧2個 , 紅莓乾1包 , 雞蛋3隻
沙律汁橄欖油 , 海鹽 , 黑胡椒粒 , 芝士碎
做法1. 雞柳加入鹽及黑胡椒拌勻 , 蓋上保鮮紙醃1小時後準備麵粉 ,雞蛋液及麵包糠
2. 將每塊雞柳逐一沾上麵粉 >> 雞蛋液 >> 麵包糠後放上碟
3. 再灑上少許麵包糠在雞柳上 , 蓋保鮮紙放入冰箱冷藏20分鐘
4. 雞蛋冷水放入煲內煮至熟透 (約15分鐘) 盛起待涼
5. 燒紅油鑊 , 將雞柳放入用中火慢慢炸至金黃色 , 盛起稍涼後切件
6. 最後將雞蛋去殼切開 , 蓮霧切粒 , 生菜洗淨切細片
7. 逐一放入大碗內 , 再加入沙律汁拌勻即可
脆卜卜的炸雞件加上清新健康材料 , 味道一絕呢 ^^
新年快樂！身體健康！
回覆刪除我都祝EE一家身體健康 , 工作順利 , 開開心心 ^^
刪除HAPPY NEW YEAR~
回覆刪除你真係好心機~整SALAD~都開油炸雞~
祝黃師奶同黃生恩恩愛愛 , 開開心心 , ~哈~因為袁生喜愛香口食物呢
刪除用蓮霧來做沙律真係從未試過，好特別呀！
回覆刪除而且我好認同黃師奶所講你連整沙律都開油鑊炸，真係好用心，你honey一定好鐘意吃呢個沙律，因為他愛吃香口o野！:)
在此小高祝袁太你們一家新年進步、身體健康！天天好煮意 ~
小高又記得袁生喜愛香口食物 , 我都係近年先喜愛用蓮霧做沙律 , 又清新又甜甜地 , 我都祝小高用主任永遠恩恩愛愛 , 工作順利 , 開開心心
刪除袁太，新年快樂呀!
回覆刪除芙芙祝你同袁生繼續甜甜蜜蜜，身體健康!
我而家整沙津都係喜歡用健康汁料，有時淨係用檸檬汁之類嚟做酸味，
都係好好味架，袁太你個炸雞炸得好靚，
啖啖肉，外面脆卜卜一定好好味!
Happy New Year芙芙 , 好耐冇見妳過來留言喇 , 其實我都喜愛加檸檬汁 , 不過袁生食檸檬會腳痛 , 所以就唔加檸檬了 , 炸雞金金黃黃脆卜卜 , 一流呢 ^^
刪除袁太，Happy New Year 2015~~~ 祝你同袁生繼續恩愛，生活愉快! 最緊要身體健康! 食沙律，cici鍾意酸酸地個汁，咁先開胃!
回覆刪除Happy New Year cici , 沙律配酸酸地的汁其實真係幾好 , 不過可惜袁生唔食得檸檬 , 如果唔係我一定加埋檸檬汁落去 , 希望cici 2015年繼續煮多d食物同大家分享喇 ^^
刪除