2015年1月20日 星期二

芝士白汁蘑菇焗魚批




唔經唔覺又一個星期沒有來Blogspot

其實袁太唔係懶架 , 只不過眼見好多以前Yblog的朋友仔

一個又一個放棄了 , 唔再出食譜

令袁太都冇晒動力去update , 何況最近我家狗狗身體不太好

前陣子要廿四小時全天侯照顧 ......



慶幸豬豬身體漸漸良好 , 我同袁生都放心好多

充份休息幾日後

今日又來同大家分享食譜喇



之前又瀏覽Blogger雀后的網址 , 見到其中一樣食譜 "焗魚批"

好鬼死吸引我

令袁太衝動想整來做晚餐

早上起床就興高采烈去買材料

諗住用整個下午時間慢慢整出一個金金黃黃的魚批

點知 ???



突然要出外辦少少事 , 攪攪下成四點幾五點先回家

個魚批整都未開始整 , 大鑊喇 , 打亂晒D時間添

唯有快快手急急腳整

好彩時間啱啱好到晚餐時間就有得食

焗到金金黃黃 , 好味道呢 ^^

 

材料 : 龍利柳 , 蝦仁 , 菠菜 , 白蘑菇 , 薯仔 , 芝士條 ( Mozzarella & Cheddar) , 淡忌廉 , 牛奶 , 麵粉 , 牛油 , 黑胡椒 , 鹽





菠菜洗淨切成短身 , 蝦仁洗淨去腸 , 龍利柳洗淨抹乾水份後加入鹽 , 胡椒粉拌勻醃片刻備用




薯仔去皮切片 , 放上碟後放入鑊中隔水用大火蒸20分鐘






取出放入大碗內 , 加入牛油 , 鹽 , 黑胡椒碎拌勻壓成蓉 , 再加入牛奶拌勻至薯蓉滑身備用






菠菜放入滾水中煮1-2分鐘至軟身後盛起 , 白蘑菇洗淨切片 , 燒紅鑊 , 加入牛油煮溶 , 再加入麵粉拌勻 , 加入牛奶煮滾 , 滾後再加入白蘑菇片 , 下少許雞粉 , 鹽調味 , 最後加入淡忌廉拌勻煮約1分鐘即成白汁





 
先將龍利柳及蝦仁放在焗盤底 , 再放上菠菜 , 再淋上白汁蘑菇 , 將之前整的薯蓉放上 , 最後灑上芝士條 , 放入焗爐用200C焗30分鐘至表面金黃即可









材料
龍利柳2條 , 蝦仁 , 菠菜半斤 , 白蘑菇 , 薯仔2個 , 芝士條 ( Mozzarella & Cheddar) , 淡忌廉 , 牛奶 , 麵粉 , 牛油 , 黑胡椒 , 鹽



做法
1. 菠菜洗淨切成短身

2. 蝦仁洗淨去腸 , 龍利柳洗淨抹乾水份後加入鹽 , 胡椒粉拌勻醃片刻備用

3. 薯仔去皮切片 , 放上碟後放入鑊中隔水用大火蒸20分鐘

4. 取出放入大碗內 , 加入牛油 , 鹽 , 黑胡椒碎拌勻壓成蓉

5. 再加入牛奶拌勻至薯蓉滑身備用

6. 菠菜放入滾水中煮1-2分鐘至軟身後盛起 , 白蘑菇洗淨切片

7. 燒紅鑊 , 加入牛油煮溶 , 再加入麵粉拌勻 , 加入牛奶煮滾

8. 滾後再加入白蘑菇片 , 下少許雞粉 , 鹽調味

9. 最後加入淡忌廉拌勻煮約1分鐘即成白汁

10. 先將龍利柳及蝦仁放在焗盤底 , 再放上菠菜 , 再淋上白汁蘑菇

11. 將之前整的薯蓉放上 , 最後灑上芝士條

12. 放入焗爐用200C焗30分鐘至表面金黃即可




無論賣相同味道都好好的焗魚批 , 真係令人一食就愛上了 ^^






14 則留言:

  1. 袁太,芙芙自從由yahoo搬咗嚟之後,
    開始變得越嚟越懶,可能呢度冇以前YBlog個互動性咁高,
    令到想寫嘢嘅心都變細咗呢,有時見到啲好好傾嘅朋友仔放棄時,
    真係唔係幾開心,希望我哋大家都可以繼續堅持落去啦!

    回覆刪除
    回覆
    1. 我都懶左好多 , 總是提不起勁update , 不過我相信我可以繼續堅持落去 , 希望芙芙都係喇

      刪除
  2. 袁太, cici都差不多成個禮拜冇update。除了因為工作忙之外,另外的原因是因為瀏覽次數愈來愈少。心諗到究竟有幾多人會好似我哋咁仲寫blog (大家都已經用面書)。呢度活躍性始終冇Yblog咁高,加上自己幾個朋友從Yblog搬到呢度就放棄寫blog,心裡真係有啲唔開心。最後,諗到為自己喜歡煮食的興趣而去寫,就會有衝勁繼續寫。

    袁太,有我嚟探你,開心番啦!

    回覆刪除
    回覆
    1. 我都仲係好喜愛煮野食 , 但總是提不起勁呢 , 不過見到cici來探袁太 , 真係好開心呢 , 希望大家會繼續寫落去

      刪除
    2. 袁太,一齊努力堅持落去 ^^

      刪除
    3. cici都係呀 , 大家齊齊努力喇 ^^

      刪除
  3. 呢個魚批真係幾好味架,不過我懶用罐頭白汁蘑菇湯做白汁。

    回覆刪除
    回覆
    1. 我都係睇見雀后整得咁吸引 , 我先跟住整呢 ^^

      刪除

老行家官燕蘋果玫瑰果醬食譜 ~蘋果果醬麵包卷~

繼續同大家分享老行家品牌官燕果醬禮盒食譜 , 繼續分享蘋果玫瑰果醬 , 之前就用來製作雞扒 , 美味滿分兼袁生相當滿意後 , 今次就用來配上白方包製作甜點 , 用來作下午茶就最適合 , 而且材料同製作亦非常簡單 ......