今日訓醒突然間好掛住豬豬
以前每逄袁太唔開心 , 解決唔到問題 , 或者同袁生嘈交的時候
豬豬一見到媽媽唔開心或者流淚
必然會走過來我面前黏下我 , 傻更更望住我
當我將豬豬緊緊抱在懷裡 , 所有唔開心的事都可以完全忘記 ......
~豬豬~ 你知道媽媽這幾日唔開心嗎
因為爸爸唔諒解我 , 沒有你在家的日子
媽媽唔可以抱住你將唔開心的事忘記 , 只懂在家放聲大哭
喊到眼又腫又乾 , 都依然唔開心
流左咁多眼淚 , 真係想煲碗滋潤湯水潤一潤
最近天氣逐漸炎熱 , 除煲冬瓜湯或水外
煲青紅蘿蔔都係一個好好的選擇
不過今次唔加肉類 , 又來素湯系列
簡簡單單再加牛蒡 , 粟米 , 圓肉 , 紅棗 , 果皮就可以
煲出來湯水清晰 , 味道甘甘地又甜甜地
又有湯渣食 , 唔錯呢 ^^
材料 : 青蘿蔔 , 紅蘿蔔 , 粟米 , 圓肉 , 牛蒡 , 蜜棗 , 紅棗 , 果皮
煲內放入果皮 , 紅棗 , 蜜棗 , 粟米 , 圓肉 , 加入適量水用中火煲30分鐘
再加入青蘿蔔 , 紅蘿蔔 , 牛蒡用大火煲15分鐘後轉慢火蓋上蓋煲2小時 , 最後加少許鹽調味即可
材料青蘿蔔1個 , 紅蘿蔔1個 , 粟米1條 , 圓肉 , 牛蒡1條 , 蜜棗2粒 , 紅棗 , 果皮1塊
做法1. 果皮浸軟 , 粟米洗淨切段 , 圓肉洗淨 , 紅棗去核
2. 青蘿蔔 , 紅蘿蔔去皮切件 , 牛蒡去皮斜切成厚片 , 放入水中靜待備用
3. 煲內放入果皮 , 紅棗 , 蜜棗 , 粟米 , 圓肉
4. 加入適量水用中火煲30分鐘
5. 再加入青蘿蔔 , 紅蘿蔔 , 牛蒡用大火煲15分鐘後轉慢火蓋上蓋煲2小時
6. 最後加少許鹽調味即可
喊完後飲番碗滋潤熱湯水 , 心情可以話好左少少 ...... 咁多多呢 ^^
呢個湯一定好甜啦!
回覆刪除以前感覺如用青紅蘿蔔煲湯唔落肉一定會唔好飲 , 但原來一直係我自己感覺錯誤呢 ^^
刪除喊 完唔好再唔開心啦. 快啲飲碗湯潤下啦
回覆刪除喊完又同袁生嘈完 , 將唔開心的事發洩晒出來 , 好好多了
刪除人有情緒嘛，正常嘅，去做吓其他嘢，分散注意力，等負面情緒走咗，就會冇咁難受
回覆刪除雖然我好同意妳的講法 , 但我係一個一定要解決問題的人 , 而袁生就喜愛選擇逃避唔去傾 , 所以我地好多時都會嘈交呢
刪除吾好吾開心啦, big hugs.
回覆刪除喊完又同袁生嘈完交 , 發洩晒出來 , 現在心情好好多了
刪除心情好番就好啦~~~ 煮吓美食人都開心啲~~
回覆刪除心情已經好番晒喇 , 唔開心的時候煮自己喜愛食的野都唔錯架
刪除做番自己日常喜歡做的事 , 心情都會變得好的
回覆刪除絕對同意 ^^
刪除你都好叻呀，發洩完做返自己中意嘅嘢、食返餐好補返~~每個人都有情緒，兩口子會吵架亦正常，有機會講好過積埋D問題呀~~錫番袁太^3^
回覆刪除至幣袁生喜愛逃避 , 我都一定要立刻解決問題的人 , 所以好多時就會火星撞地球 , 成日嘈交 ><
刪除唔好喊啦，同袁生心平氣和坐低傾下，無野係解決唔到嘅
回覆刪除之後一齊飲你煲嘅愛心靚湯，咁就sweet返曬啦 :)
好難同佢心平氣和架 , 我又唔會遷就佢 , 佢又唔會遷就我 , 所以每次嘈交大家一定抗到好行 , 唔會咁易妥協
刪除袁太，保重呀，
回覆刪除飲完碗靚潤一潤，心情有冇好返啲？
心情已經好番晒喇 , 多謝芙芙關心 ^^
刪除袁太，唔好咁，快d開心返！^^
回覆刪除放心喇小高 , 袁太已經冇事喇 ^^
刪除嘩~加咗紅棗~啱哂女士喎!~~
回覆刪除袁太~唔好唔開心啦~~放開D 呢~!
最近每次煲素湯都好喜愛加紅棗架 , 黃師奶可放心 , 袁太已經冇事喇 ^^
刪除袁太，發洩咗出嚟好比屈係個心。 cici give u a big hug
回覆刪除發洩出來永遠係一個最好的方法
刪除没有萝卜只下红萝卜和其它材料可以吗？
回覆刪除没有青萝卜
回覆刪除