~哈~ 又來煲湯時間
袁太真係好鬼喜愛飲湯 , 不過有時真係唔知煲咩湯好
但知道一到夏天好多人都喜愛煲瓜類湯 ......
最近街市的太太們都經常買冬瓜 , 老王瓜煲湯
老王瓜湯上次煲左
而夏天都好多人都喜愛煲青紅蘿蔔湯
何況夜晚開冷氣時 , 訓到第朝喉嚨會好乾
煲青紅蘿蔔都唔錯 , 可以潤一潤呢
不過夏天真係唔想落肉煲 , 所以又來素湯系列
但配搭什麼材料煲好呢
毫無頭緒的情況下 , 只買了青紅蘿蔔回家
再找找百寶箱有什麼材料可用
找到了好多 ... 好多可用的材料
有~栗子 , 粟米 , 雪耳 , 百合 , 紅棗~
一於連同青紅蘿蔔一齊煲 , 味道一定又甜又滋潤
而且仲有好多湯渣食添 ^^
材料 : 青蘿蔔 , 紅蘿蔔 , 粟米 , 栗子 , 百合 , 紅棗 , 雪耳
栗子放入水中煮5分鐘 , 盛起去殼 , 雪耳浸水至軟身後剪碎 , 百合洗淨 , 紅棗去核 , 粟米洗淨切段 , 青紅蘿蔔去皮切件
煲內放入紅棗 , 粟米 , 栗子 , 加入適量水用中火煲30分鐘
再加入青蘿蔔 , 紅蘿蔔 , 用大火煲15分鐘至滾後轉慢火蓋上蓋煲2小時
最後加入雪耳 , 百合蓋上蓋轉中火煲多15分鐘 , 加入少許鹽調味即可
材料青蘿蔔1個 , 紅蘿蔔1個 , 粟米1條 , 栗子半磅 , 百合1包 , 紅棗6粒 , 雪耳1個
做法1. 栗子放入水中煮5分鐘 , 盛起去殼
2. 雪耳浸水至軟身後剪碎 , 百合洗淨 , 紅棗去核
3. 粟米洗淨切段 , 青紅蘿蔔去皮切件
4. 煲內放入紅棗 , 粟米 , 栗子 , 加入適量水用中火煲30分鐘
5. 再加入青蘿蔔 , 紅蘿蔔 , 用大火煲15分鐘至滾後轉慢火蓋上蓋煲2小時
6. 最後加入雪耳 , 百合蓋上蓋轉中火煲多15分鐘
7. 加入少許鹽調味即可
用青紅蘿蔔煲素湯 , 清清地又滋潤呢 ^^
好呀！潤一潤 ~
回覆刪除飲一飲喉嚨舒服不少呢 ^^
刪除有紅棗同雪耳~好啱女士飲喎!~
回覆刪除而且仲好潤添
刪除有雪耳同紅棗 , 一定又甜又滋潤
回覆刪除甜 , 滋潤同多湯渣
刪除有粟米同栗子，一定好甜啦
回覆刪除甜甜潤潤好飲架
刪除這款湯真係好多湯渣，只看材料都知好甜好味道
回覆刪除一碗湯又多湯渣真係好飽肚架
刪除我煲左啦，真係好好飲呀
刪除夏天真係要煲多D素湯飲飲
刪除我都喜歡栗子湯, 不過吾識去殻.
回覆刪除街市有去硬殼的，衣就要靠熱水煮熟快手去掉, 如果要生既, 街市都有真空包裝好的去衣栗子賣
刪除Kwann : 放入熱水煮一煮d栗子 , 盛起趁熱就可容易去殼 , 唔難架
刪除IamMiss無糖 : 我一向煲栗子湯都係超市買已去殼的栗子煲 , 不過當日冇貨 , 只好去街市買回來自己去殼呢
刪除Thank you for your tips, 遲D會試試. :)
刪除不過去殼的時候小心燙手呀
刪除正喎，有素湯飲呀!
回覆刪除夏天煲素湯最好呢
刪除我都好愛素湯，感覺健康唔肥，但可惜我家男人不愛，只煲過一次而已
回覆刪除其實我家袁生都唔喜愛素湯架 , 感覺素湯係好淡的湯水 , 但煲得多俾佢飲 , 佢都慢慢接受同喜愛素湯喇 ^^
刪除袁太，好滋潤嘅素湯呀，
回覆刪除而且材料亦相當豐富，而家夏天真係連湯都唔想欴，
但唔飲又唔得，呢個素湯清清哋好介紹!
一年四季我都好喜愛飲湯架 , 更愛食湯渣 , 不過夏天盡量煲素湯飲 , 肉湯留待秋冬季才煲 ^^
刪除袁太，夏天除咗煲消暑湯，滋潤湯都唔少得。不過，我男友一定要飲有肉類的湯，所以好少煲素湯。
回覆刪除以前袁生都一定要飲肉湯架 , 但煲多左素湯俾佢飲 , 佢都慢慢接受到 , 可能cici男友仔都可以接受飲素湯呢
刪除