蒜蓉豆豉醬我一向都好喜愛
無論用來蒸魚 , 蒸肉或豆腐都來者不拒
多多碗飯都食得落 ......
但心中有疑問 : 蒜蓉豆豉
係蔬菜方面是否一定要配涼瓜 ???
海鮮方面是否一定要配帶子 ??? 扇貝 ??? 倉魚或者鯇魚 ???
肉類方面是否一定要配排骨呢 ???
大家有否發覺袁太好少會煮排骨
豬肉類多數都係煮豬扒或者腩肉多 , 其實偷偷同大家講
我唔係好識買排骨架
曾經係超市買過 (不好吃) , 亦曾經係急凍店買排骨粒 (又是不好吃)
大家一定會同袁太講 , 買排骨當然去豬肉店呢
~哈~ I Know 呀~~~
不過每次同豬肉哥哥話買排骨 , 用來蒸的
回家蒸好後發覺肉質硬過我條命 , 而且仲乾過我荷包
自此唔敢再買呢
所以今次轉用雞翼去蒸 , 估不到蒜蓉豆豉配雞翼都非常惹味
雞肉好嫩滑 , 而且豆豉醬好香 , 用汁料撈飯都相當一流
袁生平時一餐只會食三,四隻雞翼的人
今次一口氣食左八隻咁多呀 ^^
材料 : 雞中翼 , 蒜蓉 , 豆豉 , 辣椒 , 薑 , 蔥
豆豉剁碎 , 蒜蓉剁成蓉 , 薑切細粒及絲 , 辣椒切粒 , 蔥大部份切粒 , 少部份切絲用來裝飾 (可省略) , 雞翼洗淨抹乾水份後加入薑絲及醃料拌勻醃2小時
燒紅鑊 , 爆香蒜蓉及豆豉後 , 加入辣椒 , 薑粒及蔥粒炒至香噴噴後盛起備用
蒸雞翼期間將調味料放入煲內煮滾 , 雞翼蒸好取出倒去多餘汁料 , 淋上調味料 , 最後加入蔥絲裝飾即可
材料 雞中翼1磅 , 蒜蓉 , 豆豉 , 辣椒1條 , 薑 , 蔥
調味料 蒜蓉 , 生抽 , 老抽 , 糖 , 油
做法
1. 豆豉剁碎 , 蒜蓉剁成蓉 , 薑切細粒及絲 , 辣椒切粒
2. 蔥大部份切粒 , 少部份切絲用來裝飾 (可省略)
3. 雞翼洗淨抹乾水份後加入薑絲及醃料拌勻醃2小時
4. 燒紅鑊 , 爆香蒜蓉及豆豉後 , 加入辣椒 , 薑粒及蔥粒炒至香噴噴後盛起備用
6. 放入鑊中蓋上蓋用中火蒸12分鐘 , 再熄火焗5分鐘
7. 蒸雞翼期間將調味料放入煲內煮滾 , 雞翼蒸好取出倒去多餘汁料
8. 淋上調味料 , 最後加入蔥絲裝飾即可
雞肉嫩滑配上濃郁的汁料 , 給我一碗白飯已經足夠了 ^^
剩下的蒜蓉豆豉醬簡單用來蒸豆腐都好好味呢
嘩...一定好好送飯
回覆刪除係呀 , 絕對超級好拌飯架
刪除蒜蓉豆豉我都鐘意，用來配雞就未試過，一定好好味道姐
回覆刪除用蒜蓉豆豉配雞我都係第一次試 , 味道都好好 , 唔差得過用豬架
刪除我今朝買左兩磅雞翼，又試用蒜蓉豆豉整
刪除點呀 , 個晚有冇用蒜蓉豆豉蒸呀 , 好唔好味呢
刪除唔錯呀，老公幾鐘意
刪除老公鐘意就係老婆最開心的事呢 ^^
刪除雞翼點煮我都愛吃
回覆刪除我都愛呀 ~~~
刪除我通常買腩排
回覆刪除等我下次都試下買腩排先得
刪除蒸3隻雞翼咁少，唔夠食喎!
回覆刪除蒸左十幾隻架 , 不過袁生叫我蒸三隻俾佢食左先 , 話幫我試下味喎
刪除買排骨一定要買一字排, 用黎蒸 有肥有瘦 , 炆苦瓜就一定要腩排 啖啖肉 同一早去買最好, 果陣隻豬仲係豬肉佬手上改緊, 最新鮮
回覆刪除袁太明白了 , 多謝lamMiss的提點 ^^
刪除下次試吓買飛排吖....或者先用少少白醋醃5至6分鈡.....沖洗後才用調味醃....包妳有另一景象呢
回覆刪除really ??? 下次試 , 多謝靚婆婆的意見
刪除雞翼真係用任何方式煮都好食~~~
回覆刪除係呀 , 所以平時好多時間都會煮雞翼
刪除蒜蓉豆豉我多用來蒸排骨，原來雞翼都可以，找天真係要試試！^^
回覆刪除用來配雞翼都好好味架 , 小高下次可以試試 , 希望妳會喜歡呢 ^^
刪除蒜蓉豆豉我99同來炒菜多, 自己用腩排多D, 無骨又啖啖肉. ^^
回覆刪除用來炒菜我多數會用油麥菜呢
刪除蒜蓉豆豉配肉類、海鮮都咁好味 ^^
回覆刪除所以蒜蓉豆豉係一個百搭醬來呢
刪除這個簡單好味呢^^
回覆刪除仲好拌飯添 ^^
刪除請問袁太，醃料用咗D咩嚟醃啊？
回覆刪除哎呀呀 ~~~ 原來唔記得打醃料呢 , 醃料有生抽 , 老抽 , 雞粉 , 酒 , 鹽 , 糖 , 麻油
刪除