[手撕雞兩食] 京蔥豆瓣醬炒手撕雞 , 雞汁椰菜手撕雞

又來手撕雞 , 每當我想不到煮什麼晚餐的時候

手撕雞一定係最保險的食物

皆因袁生十分喜愛手撕雞 , 百食不厭的佢

無論袁太點樣整佢都會喜愛吃 ......



不過以往兩個人只會買1/2隻雞回家

但經過街市見有一隻肥雞 , 姐姐話呢隻黃油多

黃油多就啱晒 , 蒸完的雞汁一定又香又濃

起初用來拌椰菜

但耳邊傳來袁生的投訴 , 嘩 ... 咩事買成隻雞回來呀

買番來整手撕雞俾你食架

兩個人食都唔駛一隻雞喇 , 咁麻煩妳整兩食

我唔想成隻雞都係一種味道



好 ... 好 ... 好 ...

本應拌椰菜就可以當一食 , 另外係百實箱找到京蔥 , 芹菜

用豆瓣醬同芝麻炒埋一碟 , 又另一種食法

呢個手撕雞兩食應該符合袁生的兩食要求

不過晚餐時候見袁生"O"晒嘴

其實佢係估唔到我真係整到兩食出來

還是有什麼原因令佢有咁的反應呢 ^^ 

材料 : 雞 , 椰菜 , 芹菜 , 京蔥 , 豆瓣醬 , 蔥 , 芝麻

雞洗淨抹乾水份後加入鹽及紹酒搽勻雞的外內 , 蓋上保鮮紙醃2小時

椰菜洗淨切條 , 京蔥斜切 , 芹菜切段 , 蔥切粒備用

將雞放入鑊隔水用中火蒸25分鐘後熄火焗5分鐘 , 取出雞切半待涼 , 蒸雞汁留起

用手將雞肉撕成條或幼絲 , 分兩碟備用

一碟用來整京蔥豆瓣醬炒手撕雞 , 另一碟用來整雞汁椰菜手撕雞

燒紅鑊 , 將京蔥放入鑊中炒香後加入2湯匙豆瓣醬及1湯匙水拌勻 , 再加入手撕雞及芹菜拌勻至汁料收乾 , 再加入芝麻炒片刻即可

 

燒紅鑊 , 加入椰菜 , 少許鹽及水拌勻炒至椰菜熟透 , 盛起放入碗內

加入手撕雞肉拌勻 , 雞汁加入生抽 , 老抽 , 糖 , 麻油拌勻備用

煲內放入蔥粒爆香 , 再加入雞汁調味料拌勻煮熱 , 盛起淋上椰菜手撕雞上即可

材料 
雞1隻 , 椰菜1個 , 芹菜2扎 , 京蔥1條 , 豆瓣醬2湯匙 , 蔥 , 芝麻



做法
1. 雞洗淨抹乾水份後加入鹽及紹酒搽勻雞的外內 , 蓋上保鮮紙醃2小時

2. 椰菜洗淨切條 , 京蔥斜切 , 芹菜切段 , 蔥切粒備用

3. 將雞放入鑊隔水用中火蒸25分鐘後熄火焗5分鐘

4. 取出雞切半待涼 , 蒸雞汁留起  

5. 用手將雞肉撕成條或幼絲 , 分兩碟備用

6. 一碟用來整京蔥豆瓣醬炒手撕雞 , 另一碟用來整雞汁椰菜手撕雞

7. 燒紅鑊 , 將京蔥放入鑊中炒香後加入2湯匙豆瓣醬及1湯匙水拌勻

8. 再加入手撕雞及芹菜拌勻至汁料收乾 , 再加入芝麻炒片刻即可 

9. 燒紅鑊 , 加入椰菜 , 少許鹽及水拌勻炒至椰菜熟透 , 盛起放入碗內 

10. 加入手撕雞肉拌勻 , 雞汁加入生抽 , 老抽 , 糖 , 麻油拌勻備用

11. 煲內放入蔥粒爆香 , 再加入雞汁調味料拌勻煮熱

12. 盛起淋上椰菜手撕雞上即可

 

唔知大家喜愛邊種食法多D , 另外起左肉的雞骨千其唔好掉喎 , 下次連同雞腳可以用來煲湯呢 ^^