西式火雞殼濃湯

 

大家剛過的聖誕假期有咩好節目呢 ???

袁生袁太依然同往幾年前一樣待在家中hea , 不過今年有少許不同

是一個沒有豬豬陪伴的第一個聖誕節 (又流淚了) ......



講開豬豬 , 袁太想同大家分享一些事情

話說袁生前一星期夢見一個境像 , 一個地方有好多狗狗開開心心奔跑

但人係過不到去呢 , 只停留在唯一的地方

突然有隻狗跑向袁生面前 , 就是豬豬了

袁生同豬豬講 , 得閒番多d屋企 , 我地好掛住你 , 點知 ...

豬豬好串咁講 ~得喇 , 知喇~ , 哈 , 這隻一定係豬豬

符合豬豬生前串串貢的樣子同性格 , 袁生一路講我一路喊

需要我唔知係袁生日有所思而產生還是怎樣

如果是真的 , 豬豬現在一定生活得好開心 , 好快樂 , 亦係我們最安慰的地方



說回主題吧 , 大家聖誕節有冇食火雞的習慣

我就冇呢 , 都係簡單煮下西式晚餐就當慶祝

不過媽咪今年俾左火雞殼同火雞肉我

火雞殼可能之前焗過 , 味道好香 , 用來煲湯一定香濃美味



簡簡單單加西式湯的基本材料

~南瓜 , 薯仔 , 西芹 , 洋蔥 , 甘旬等等~ 爆炒下佢

再加火雞殼 , 熱水煲佢兩粒鐘 , 雖然係火雞殼

但依然仲有好多雞肉 , 將雞肉去骨加入湯中拌勻 , 焗下佢就攪掂

飲用前煲熱再加少許鹽及黑胡椒粒就得

真係美味又飽肚呢 ^^



材料 : 火雞殼 , 南瓜 , 西芹 , 薯仔 , 洋蔥 , 甘旬

火雞殼放入煲內加入水蓋過雞殼 , 用中火出一出水 , 盛起放入大碗內沖洗去碎骨 , 南瓜切細件 , 甘旬去皮切厚片 , 薯仔去皮切粒 , 洋蔥去皮切大件 , 西芹去纖維切段 , 西芹葉留起裝飾 (可省略)

煲內加少許油燒熱 , 加入西芹 , 甘旬片爆香 , 再加入洋蔥炒至微軟身 , 陸續加入南瓜及薯仔拌勻

加入火雞穀及熱水拌勻煮滾後用中火煲15分鐘 , 轉慢火蓋上蓋煲2小時

2小時後將火雞殼取出 , 起出雞肉回煲內加少許鹽調味拌勻 , 用中火再煲滾後熄火蓋上蓋焗30分鐘 , 盛起放入碗或杯內 , 加入西芹葉或芹菜葉裝飾 , 最後灑上少許黑胡椒粒即可

 
材料
火雞殼1/2隻 , 南瓜1/4邊 , 西芹 , 薯仔2個 , 洋蔥1個 , 甘旬1條

做法

1. 火雞殼放入煲內加入水蓋過雞殼 , 用中火出一出水

2. 盛起放入大碗內沖洗去碎骨

3. 南瓜切細件 , 甘旬去皮切厚片 , 薯仔去皮切粒 , 洋蔥去皮切大件

4. 西芹去纖維切段 , 西芹葉留起裝飾 (可省略)

5. 煲內加少許油燒熱 , 加入西芹 , 甘旬片爆香 , 再加入洋蔥炒至微軟身

6. 陸續加入南瓜及薯仔拌勻

7. 加入火雞穀及熱水拌勻煮滾後用中火煲15分鐘 , 轉慢火蓋上蓋煲2小時 

8. 2小時後將火雞殼取出 , 起出雞肉回煲內加少許鹽調味拌勻

9. 用中火再煲滾後熄火蓋上蓋焗30分鐘

10. 盛起放入碗或杯內 , 加入西芹葉或芹菜葉裝飾 , 最後灑上少許黑胡椒粒即可 




用火雞殼煲湯都係第一次 , 好喜歡這種濃濃的味道呢 ^^

火雞殼煲完湯後起埋雞肉 , 其實仲有冇其他用途呢 ???