[滋潤孖寶] 蘋果雪耳紅棗水 , 羅漢果貢梨茶

前兩日好好太陽 , 呢幾日又天蔭蔭 , 好似想落雨 , 感覺有少許熱又有少許秋涼之際 , 夜晚開冷氣 , 袁生將溫度較到鬼死咁低 , 令袁太凍冰冰之餘 , 每朝起床喉嚨仲超乾 , 又要煲滋潤飲品潤一潤 ......

中秋過後 , 雪櫃還剩下好多水果 ,有蘋果 , 貢梨 , 火龍果等等 ...... , 既然冇人食 , 咁袁太就唔客家拎去煲水飲 , 蘋果簡簡單單配搭雪耳及紅棗 , 煲好再加少少冰糖調味 , 味道甜甜地又潤又好味 , 不過袁生平日唔多喜愛雪耳同紅棗 , 兼佢地甜得滯喎 , 所以呢款紅棗水如無意外就會奉獻去我個肚內



另外貢梨會加羅漢果 , 生薏米 , 冰糖一齊煲 , 袁生食咁鬼多煙 , 最好飲羅漢果 , 只不過今次到袁太唔喜愛羅漢果喇 , 所以呢款貢梨茶就麻煩袁生清晒佢 , 兩款滋潤飲品 , 一人一款唔駛爭 ,  各有各飲 ~爽呢~

材料 : 蘋果 , 貢梨 , 紅棗 , 羅漢果 , 生薏米 , 雪耳 , 冰糖 , 隔篩

先煲紅棗水 , 將雪耳加水浸過面待軟身 , 蘋果去皮去芯後切件 , 紅棗去核 , 浸軟的雪耳撕成細塊 , 用水沖一沖洗及瀝乾水份

煲內逐一放入蘋果 , 紅棗及雪耳 , 加入適量水 , 用中火煲滾後蓋上蓋繼續用中火煲30分鐘 (期間小心滾瀉)

30分鐘後加入冰糖拌勻煮至溶 , 再熄火焗15分鐘 , 待涼後可熱飲或入玻璃樽放入雪櫃雪凍均可

 

再煲羅漢果茶 , 將貢梨洗淨去芯連皮切薄片 , 羅漢果弄碎 , 生薏米浸水10分鐘後沖洗乾潔及瀝乾水份 

煲內逐一放入貢梨片 , 羅漢果碎及生薏米 , 加入適量水用中火煲滾後 , 蓋上蓋轉慢火煲1小時 , 再加入冰糖拌勻轉用中火煲10分鐘至冰糖溶掉即可

材料
蘋果3個 , 貢梨2個 , 紅棗8粒 , 羅漢果1個 , 生薏米 , 雪耳1個 , 冰糖 , 隔篩



做法
1. 先煲紅棗水 , 將雪耳加水浸過面待軟身 , 蘋果去皮去芯後切件 , 紅棗去核

2. 浸軟的雪耳撕成細塊 , 用水沖一沖洗及瀝乾水份

3. 煲內逐一放入蘋果 , 紅棗及雪耳 , 加入適量水

4. 用中火煲滾後蓋上蓋繼續用中火煲30分鐘 (期間小心滾瀉) 

5. 30分鐘後加入冰糖拌勻煮至溶 , 再熄火焗15分鐘

6. 待涼後可熱飲或入玻璃樽放入雪櫃雪凍均可

7. 再煲羅漢果茶 , 將貢梨洗淨去芯連皮切薄片 , 羅漢果弄碎

8. 生薏米浸水10分鐘後沖洗乾潔及瀝乾水份

9. 煲內逐一放入貢梨片 , 羅漢果碎及生薏米 , 加入適量水用中火煲滾後

10. 蓋上蓋轉慢火煲1小時 

11. 再加入冰糖拌勻轉用中火煲10分鐘至冰糖溶掉即可

我最喜愛煲好後立即飲碗熱的 , 待涼後入樽放雪櫃留待明天飲凍既呢 ^^