芝士肉醬焗豆腐

袁生平時除了喜愛牛展外 , 仲非常 ... 非常喜愛肉醬 , 他最愛用肉醬配飯 , 千層麵等等 , 不過今次唔配飯 , 唔配千層麵 , 亦唔配意粉 , 配上簡單的材料 ~硬豆腐~ ......



當清淡的豆腐遇上酸酸濃濃的肉醬 , 再加上大多數人喜愛的芝士碎 , 三種食物合為一會變成什麼呢 ??? 會變成美味的佳餚 ??? 還是變成怪怪的組合 ??? 好味還是唔好味的答案 , 當然要袁生來揭曉 , 袁太整的肉醬袁生完全沒有負面評價 , 而他亦喜愛芝士 , 不過我知佢一向就麻麻地豆腐 (玉子豆腐除外) , 心想佢會唔會只食肉醬唔食豆腐呢 ???



不過當晚餐開始的時候 , 見袁生不停食 , 其實都唔需要刻意問 , 答案自然呼之欲出呢 ^^



材料 : 牛肉碎 , 豬肉碎 , 蕃茄 , 煙肉 , 洋蔥 , 芹菜 , 茄膏 , 雞湯 , 巴馬臣芝士碎 , 硬豆腐 , 鹽 , 黑胡椒碎 , 水

牛肉碎及豬肉碎放入大碗內加少許鹽 , 黑胡椒拌勻靜待30分鐘 , 煙肉切粒 , 洋蔥去皮切粒 , 芹菜莖切段 , 洋蔥粒及芹菜莖用水沖洗及瀝乾水份 , 蕃茄洗淨切粒

煲內加入少許油 , 將芹菜段 , 洋蔥粒及蕃茄粒拌炒至出茄油 , 再加入煙肉炒至熟透 , 加入肉碎拌勻炒至轉色 , 逐一加入茄膏 , 雞湯及500ml水拌勻 , 用中火煮滾後轉慢火蓋上蓋煮1小時

期間要不時攪拌以免黏底 , 蓋上蓋繼續煮 , 煮1小時後加入少許鹽及黑胡椒碎調味 , 熄火焗10分鐘成肉醬

焗爐用180C預熱10分鐘 , 將硬豆腐放入鑊中用慢火慢慢煎至兩面金黃色盛起 , 淋上肉醬 , 再灑上芝士碎 , 放入焗爐用150C上火焗10分鐘至芝士溶化即可

材料
牛肉碎200g , 豬肉碎100g , 蕃茄3個 , 煙肉3片 , 洋蔥1個 , 芹菜2扎 , 茄膏2湯匙 , 雞湯250ml , 芝士碎 , 硬豆腐1磚 , 鹽 , 黑胡椒碎 , 水500ml



做法
1. 牛肉碎及豬肉碎放入大碗內加少許鹽 , 黑胡椒拌勻靜待30分鐘 

2.  煙肉切粒 , 洋蔥去皮切粒 , 芹菜莖切段 

3. 洋蔥粒及芹菜莖用水沖洗及瀝乾水份 , 蕃茄洗淨切粒

4. 煲內加入少許油 , 將芹菜段 , 洋蔥粒及蕃茄粒拌炒至出茄油 

5. 再加入煙肉炒至熟透 

6. 加入肉碎拌勻炒至轉色 , 逐一加入茄膏 , 雞湯及500ml水拌勻 

7. 用中火煮滾後轉慢火蓋上蓋煮1小時 

8. 期間要不時攪拌以免黏底 , 蓋上蓋繼續煮 , 煮1小時後加入少許鹽及黑胡椒碎調味 

9. 熄火焗10分鐘成肉醬

10. 焗爐用180C預熱10分鐘 

11. 將硬豆腐放入鑊中用慢火慢慢煎至兩面金黃色盛起 , 淋上肉醬 , 再灑上芝士碎 

12. 放入焗爐用150C上火焗10分鐘至芝士溶化即可 




肉醬除左配麵 , 配飯 , 配闊麵外 , 原本配豆腐都一樣美味呢 ^^