[肉麻麵] 肉燥麻醬拌麵

一個好好聽的名字 ~肉麻麵~ , 即是肉燥麻醬麵 , 大家都知我家袁生好喜愛 ... 好喜愛食肉燥 ,好多時都會整肉燥做晚餐 , 今餐又來肉燥系列 ......



今次的肉燥唔配飯 , 想用來做拌麵 , 拌麵的話袁太首選係關廟麵

不過就咁用肉燥又太過普通 , 點知突然俾我發現廚櫃仲有樽花生醬 , 當我見到樽花生醬的時候 , 簡直當左佢係救星一樣 , 因為可以用來做麻醬 , 麻醬拌麵我鐘意 , 其實呢個肉麻麵做法好簡單 , 先煮左個肉燥先 , 再灼下銀芽 , 烚下蛋 , 炒下韭菜同調個麻醬 , 再將關廟麵煮至軟身



咁一碗麵有齊肉類 , 菜類 , 雞蛋類同豆類 , 絕對有營養均衝又美味 , 袁生對呢碗肉麻麵簡直有讚冇彈 , 仲食得津津有味添 ^^



材料 : 豬肉碎 , 關廟麵 , 韭菜 , 銀芽 , 雞蛋 , 乾蔥頭 , 幼滑花生醬 , 凍熟油 , 醬油膏 , 五香粉 , 胡椒粉 , 糖 , 水

韭菜切段 , 乾蔥頭去衣切片 , 韭菜用水沖一沖洗及瀝乾 , 燒紅鑊 , 先爆香乾蔥片 , 加入豬肉碎炒至稍為轉色 , 逐一加入調味料拌勻炒至豬肉熟透 , 再加入5杯水份量拌勻 , 用中火煮滾後蓋上蓋轉慢火煮45分鐘至收汁成肉燥備用

雞蛋放入煲內加水 , 用中火煮15分鐘至雞蛋熟透 , 用水沖洗至涼 , 再去蛋殼 , 銀芽放入煲內 , 加水拌勻用中火煮滾後盛起 , 用水沖一沖洗及瀝乾

將韭菜段放入鑊中加少許鹽拌炒數分鐘至軟身 , 加入銀芽拌勻放入大碗內備用 , 將凍熟油及麻油放入碗內 , 加入花生醬拌勻成麻醬 

關廟麵放入水中拌散煮至軟身放入大碗內 , 加入韭菜銀芽拌勻再放入碟或碗內 , 先淋上麻醬 , 再放上肉燥 , 再淋上麻醬 , 最後放上雞蛋即可

 

材料
豬肉碎$15 , 豆簽麵 , 韭菜 , 銀芽 , 雞蛋4隻 , 乾蔥頭8粒 , 幼滑花生醬 , 凍熟油 , 醬油膏 , 五香粉 , 胡椒粉 , 糖 , 水

調味料
台灣醬油膏1湯匙 , 生抽 , 老抽 , 糖2茶匙 , 胡椒粉 , 五香粉1湯匙



做法
1. 韭菜切段 , 乾蔥頭去衣切片 , 韭菜用水沖一沖洗及瀝乾

2. 燒紅鑊 , 先爆香乾蔥片 , 加入豬肉碎炒至稍為轉色 

3. 逐一加入調味料拌勻炒至豬肉熟透 , 再加入5杯水份量拌勻 

4. 用中火煮滾後蓋上蓋轉慢火煮45分鐘至收汁成肉燥備用

5. 雞蛋放入煲內加水 , 用中火煮15分鐘至雞蛋熟透 , 用水沖洗至涼 , 再去蛋殼 

6. 銀芽放入煲內 , 加水拌勻用中火煮滾後盛起 , 用水沖一沖洗及瀝乾

7. 將韭菜段放入鑊中加少許鹽拌炒數分鐘至軟身 , 加入銀芽拌勻放入大碗內備用 

8. 將凍熟油及麻油放入碗內 , 加入花生醬拌勻成麻醬 

9. 關廟麵放入水中拌散煮至軟身放入大碗內 

10. 加入韭菜銀芽拌勻再放入碟或碗內 

11. 先淋上麻醬 , 再放上肉燥 , 再淋上麻醬 , 最後放上雞蛋即可

 


咁好味的肉燥麻醬麵 , 下次一定要再encore先得呢 ^^