<美的智能高速鍋MY-SS5033食譜> 雙菇燕麥粟米粥

美的智能高速鍋第三個食譜 , 之前煲過牛肉湯 , 又整過栗子小食 , 今次就試下用黎煲粥 , 平時袁太都幾鐘意食粥架 , 不過袁生反而唔喜歡 , 佢無論白粥 , 有味粥佢統統唔喜歡 , 成日話粥係冇味既 , 真係俾佢激死 ......

其實袁太有時都幾驚煲粥 , 又要睇火 , 又驚黏底 , 又驚滾瀉 , 而且作病時 , 想食粥都好麻煩 , 病時要自己煲粥已經好慘慘豬 , 仲要睇火冇得休息就更加慘慘呢 , 所以有美的智能高速鍋呢個好幫手 , 絕對可以解決晒所有問題 , 今次的有味粥用冬菇 , 草菇 , 粟米蓉做主打 , 先將冬菇 , 草菇爆香加水放入高速鍋內 , 先煮個冬菇湯粥底 , 再加粟米蓉 , 粟米粒再煮 , 最愛智能高速鍋有時間顯示 , 煮緊的時候可以有時間休息 , 而且又唔驚黏底 , 唔驚滾瀉 , 好方便



其實回想袁太為何喜愛入廚 ???



大家又估唔估到以前的袁太煮野 , 絕對係超難食 , 係可以令妳放入口想即刻吐番出黎 ,  不過而家就唔同呢 , 雖然平時煮野唔係話有好勁的創意 , 起碼由難食的程度升級至人人都覺得滿意的味道 , 而且慢慢漸漸覺得入廚係一件好得意的事 , 可以將普通到極點的材料 , 炮製出一種美食出來 , 呢d係咪只喜愛入廚的朋友仔們先會明白呢 ??? 



用美的智能高速鍋可以煲到粥綿綿 , 起初以為袁生一定唔會食 , 點知跌眼鏡 , 居然話有興趣 , 話袁太一路煲都聞到好香喎 , 後來袁生仲食左兩大碗添呀 , 話粥好綿 , 好香的菇味 , 話好味過用明火煲 , 而且加左燕麥入去一齊煮 , 感覺好健康呢 ^^

材料 : 珍珠米 , 冬菇(預先浸軟,浸菇水留用) , 草菇 , 上湯 , 雞蛋白 , 薑 , 粟米蓉 , 鹽 , 胡椒粉 , 即食燕麥 , 粟米 , 水 , 油 , 蔥

珍珠米用水洗淨 , 瀝乾水份放入大碗內 , 加少許鹽及油拌勻 , 再加水浸過面靜待30分鐘 , 草菇用水沖洗乾淨 , 連冬菇分別切粒 , 薑去皮切細粒

煲內加少許油燒熱 , 放入冬菇粒 , 草菇粒及薑粒爆香 , 將材料放入美的智能高速鍋的煲內 , 逐一加入浸菇水 , 上湯及1500ml水拌勻 , 蓋上鍋蓋先按<菜單> , 選擇煲湯功能 , 再按<烹飪模式> , 選擇標準模式 , 再按<開始> , 之後會有時間顯示需時多久

期間將粟米放入電蒸鍋內 , 蓋上蓋蒸20分鐘至熟透 , 盛起粟米起出粟米粒 , 蔥切粒及切幼絲備用 , 珍珠米瀝乾水份

高速鍋煮完後會發出嗶嗶聲響 , 此時安全眼會凸出 , 用手向右排氣 , 當安全眼落下代表排氣完成 , 便可打開鍋蓋 , 冬菇湯粥底便完成 , 再逐一加入粟米蓉 , 珍珠米及粟米粒拌勻 , 蓋上鍋蓋同樣先按<菜單> , 選擇煲粥功能 , 再按<烹飪模式> , 選擇標準模式 , 再按<開始> , 之後會有時間顯示需時多久

煮完再一次發出嗶嗶聲響 , 再一次排氣後打開蓋 , 加入少許鹽 , 胡椒粉調味 , 最後加入即食燕麥片 , 雞蛋白拌勻即可

  


 

材料
珍珠米3/4杯 , 冬菇5隻(預先浸軟,浸菇水留用) , 草菇 , 上湯300ml , 雞蛋白1隻 , 薑 , 粟米蓉1盒 , 鹽 , 胡椒粉 , 即食燕麥 , 粟米1條 , 水 , 油 , 蔥



做法

1. 珍珠米用水洗淨

2. 瀝乾水份放入大碗內 , 加少許鹽及油拌勻 , 再加水浸過面靜待30分鐘 

3. 草菇用水沖洗乾淨 , 連冬菇分別切粒 , 薑去皮切細粒

4. 煲內加少許油燒熱 , 放入冬菇粒 , 草菇粒及薑粒爆香 

5. 將材料放入美的智能高速鍋的煲內 

6. 逐一加入浸菇水 , 上湯及1500ml水拌勻 

7. 蓋上鍋蓋先按<菜單> , 選擇煲湯功能 , 再按<烹飪模式> , 選擇標準模式 

8. 再按<開始> , 之後會有時間顯示需時多久

9. 期間將粟米放入電蒸鍋內 , 蓋上蓋蒸20分鐘至熟透 

10. 盛起粟米起出粟米粒 , 蔥切粒及切幼絲備用 

11. 珍珠米瀝乾水份

12. 高速鍋煮完後會發出嗶嗶聲響 

13. 此時安全眼會凸出 , 用手向右排氣 , 當安全眼落下代表排氣完成 , 便可打開鍋蓋

14. 冬菇湯粥底便完成 

15. 再逐一加入粟米蓉 , 珍珠米及粟米粒拌勻 

16. 蓋上鍋蓋同樣先按<菜單> , 選擇煲粥功能 , 再按<烹飪模式> , 選擇標準模式 

17. 再按<開始> , 之後會有時間顯示需時多久

18. 煮完再一次發出嗶嗶聲響 , 再一次排氣後打開蓋 

19. 加入少許鹽 , 胡椒粉調味 , 最後加入即食燕麥片 , 雞蛋白拌勻即可

 

有左美的智能高速鍋(MY-SS5033) , 想煲綿綿粥絕對係一件容易的事 , 而且燕麥粟米粥簡單又美味 , 好滿足 , 好飽肚呢 ^^