<美的智能高速鍋MY-SS5033食譜> 桂花糖漬栗子

美的智能高速鍋的第二個食譜喇 , 之前就煲過牛肉湯 , 今次就想整下小食 , 唔知大家喜愛栗子嗎 ??? 袁生袁太都好喜歡架 , 以往成日係連鎖店或超市買現成一包包的栗子回家食 , 有電視睇的時候用來做小食相當唔錯 ......



其實自己整可以無添加 , 而且買材料亦便宜 , 去街市打個round , 一般栗子只有圓碌碌同扁身的栗子 , 上網睇多數都係用扁身既 , 咁就買扁身既栗子呢 , 街市有一檔的扁身栗子已去硬殼 , 回家處理就方便得多 , 買住半磅試下先

袁太上網睇有關食譜或影片 , 首先都係將栗子煮熱去殼去衣 , 再用明火煮至栗子半軟 , 再加入糖及水煮一粒鐘 , 之後幾日不停再番煮至栗子入味 , 嘩 ... 好長時間喎 , 所以袁太簡單先將栗子煮熱去衣 , 放入魚袋內再放入高速鍋內 , 用煮飯功能先將栗子煮熟 , 再加糖水拌勻用高速鍋雞/豬肉的炆焗功能煮至入味 , 好似平時栗子炆雞 , 炆豬咁 , 一定會炆到栗子入晒味 , 開蓋試一粒栗子已覺得好甜甜 , 入晒味 , 不過講明係糖漬 , 而且袁生袁太都喜歡甜dd , 所以就入樽封佢3日 , 等佢可以再甜一些 , 食前配上桂花糖 , 甜上加甜好味道呢 ^^




材料 : 栗子 , 桂花糖 , 黃糖 , 玻璃樽 , 鹽 , 水 , 美的智能高速鍋(MY-SS5033) , 魚袋 

栗子放入煲內 , 加少許鹽及水蓋過栗子面 , 用中火煮滾後趁熱去殼 , 將栗子肉用水沖洗乾淨及瀝乾水份

魚袋放入美的智能高速鍋的不銹鋼煲內 , 栗子肉放入魚袋內索緊 , 加入水(水的位置於煲內2字水平) , 蓋上蓋先按<菜單> , 選擇米飯功能 , 再按<烹飪模式> , 選擇快速模式 , 再按<開始> 

高速鍋煮完後會發出嗶嗶聲響 , 此時安全眼會凸出 , 用手向右排氣 , 當安全眼落下代表排氣完成 , 便可打開鍋蓋 , 水去掉 , 栗子肉盛起放回不銹鋼煲內 , 加黃糖及2杯水拌勻 , 放入美的高速鍋內蓋上蓋先按<菜單> , 選擇豬/雞肉功能 , 再按<烹飪模式> , 選擇燜/焗模式 , 再按<開始> , 之後會有時間顯示需時多久  

高速鍋煮完後會發出嗶嗶聲響 , 此時用手向右再一次排氣 , 將栗子肉放入玻璃樽內 , 再倒入糖水封口靜待3天入味 , 食前灑上少許桂花糖即可

材料
栗子1/2磅 , 桂花糖 , 黃糖60g , 玻璃樽1個 , 鹽 , 水2杯 , 美的智能高速鍋(MY-SS5033) , 魚袋 1個



做法
1. 栗子放入煲內 , 加少許鹽及水蓋過栗子面 , 用中火煮滾後趁熱去殼

2. 將栗子肉用水沖洗乾淨及瀝乾水份

3. 魚袋放入美的智能高速鍋的不銹鋼煲內 

4. 栗子肉放入魚袋內索緊 , 加入水(水的位置於煲內2字水平)

5. 蓋上蓋先按<菜單> , 選擇米飯功能 

6. 再按<烹飪模式> , 選擇快速模式 , 再按<開始>  

7. 高速鍋煮完後會發出嗶嗶聲響 

8. 此時安全眼會凸出 , 用手向右排氣 , 當安全眼落下代表排氣完成 , 便可打開鍋蓋

9. 水去掉 , 栗子肉盛起放回不銹鋼煲內 , 加黃糖及2杯水拌勻

10. 放入美的高速鍋內蓋上蓋先按<菜單> , 選擇豬/雞肉功能 

11. 再按<烹飪模式> , 選擇燜/焗模式 , 再按<開始> , 之後會有時間顯示需時多久  

12. 高速鍋煮完後會發出嗶嗶聲響 , 此時用手向右再一次排氣

13. 將栗子肉放入玻璃樽內 , 再倒入糖水封口靜待3天入味 , 食前灑上少許桂花糖即可
 
 


栗子封存3日味道已經好甜 , 再同桂花糖一齊食 , 甜上加甜 , 做小食唔錯呢 ^^