2018年10月7日 星期日

臘味蘿蔔糕




唔知大家除左新年的時候會蒸糕糕之外 , 平時會唔會整下蘿蔔糕呢 ??? 我既答案係~絕對會~ , 以前想食糕有婆婆整 , 婆婆過世後就有媽咪接手整 , 不過媽咪只會新年先整 , 如果日常生活中想食 , 媽咪只會好簡單係粥店買 , 當然出面街賣的係唔好吃 , 冇咩配料之餘 , 感覺好似粉多個咩咁 , 何況今次唔只我想食 , 袁生都想食架 ......



其實點解我會突然想食糕 , 皆因最近開始陸續見有臘味賣 , 而且袁太係一位好喜愛食蘿蔔糕的人 , 某日突然早點想食蘿蔔糕 , 所以咪整囉 , 不過袁太唔係好曉坊間的份量 , 即係幾斤蘿蔔幾多粉個d呢 , 每次整都係買一條白蘿蔔 , 大約斤半重 , 就用3/4杯黏米粉 , 呢個就係袁太做蘿蔔糕的份量



記得婆婆以前會將一條條的白蘿蔔刨絲 , 不過我就唔鐘意刨 , 我比較鐘意用切的方法 , 將白蘿蔔去皮切成一條條幼條 , 蒸好的時候鐘意加蔥粒或XO醬都得 , 食時可以見到蘿蔔絲 , 咁樣會好味好多呢(我覺得) , 今次就整左兩底細同一底大 , 細底就剛剛蒸好趁熱食 , 大個底就放入雪櫃靜待一晚至硬身 , 第二日就切片或切粒煎黎食 , 好鬼好味道呢 ^^



材料 : 白蘿蔔 , 蝦米 , 白芝麻(預先放入白鑊中炒香) , 短臘腸 , 臘肉 , 冬菇(預先浸軟) , 胡椒粉 , 鹽 , 粘米粉 , 蒸糕盆 , 芫茜(可省略) , 美的早餐機(MZ-DSY18A)或蒸鍋




蝦米浸水10分鐘至軟身 , 期間將白蘿蔔去皮切成幼條 , 蝦米浸至軟身後用水沖洗乾淨及瀝乾 , 蝦米切碎 , 短臘腸同臘肉用熱水沖一沖洗切粒 , 冬菇切粒 , 浸冬菇水留起 , 將臘腸粒 , 臘肉粒入鑊用中火炒香 , 加入冬菇粒及蝦米粒拌勻炒數分鐘 , 盛起備用













 
爆香餡料的鑊不要洗 , 加入蘿蔔絲拌炒數分鐘 , 逐少加入冬菇水用中火拌勻炒至收乾水份 , 再加入冬菇水拌勻 , 再炒至水份收乾 , 再加入餘下冬菇水拌勻 , 用中火炒至收乾水份及蘿蔔成透明狀
















將加入炒好的配料加入蘿蔔絲內拌炒數分鐘 , 加少許鹽及胡椒炒調味再拌勻 , 粘米粉分三次加入蘿蔔內 , 每次用筷子拌勻

















糕盆掃上油 , 將材料平均放入至八分滿 , 再用刀壓平 , 美的早餐機或蒸鍋內加約3杯水 , 將糕盆放入蓋上蓋 , 按<蒸 / 煮>功能 , 時間調至1小時 , 蒸1小時後再焗10分鐘(如用蒸鍋 , 同樣蓋上蓋蒸1小時再焗10分鐘) , 取出灑上白芝麻 , 如食蒸蘿蔔糕就可趁熱食 , 如食煎蘿蔔糕的話 , 需待涼1小時 , 蓋上保鮮紙入雪櫃靜待一晚 , 食前切片或切粒 , 放入鑊中用慢火慢慢煎至兩面金黃色即可





















材料
白蘿蔔1條 , 蝦米 , 白芝麻(預先放入白鑊中炒香) , 短臘腸4條 , 臘肉1/3條 , 冬菇5隻(預先浸軟) , 胡椒粉 , 鹽 , 粘米粉3/4杯 , 蒸糕盆 , 芫茜(可省略) , 美的早餐機(MZ-DSY18A)或蒸鍋



做法
1. 蝦米浸水10分鐘至軟身 , 期間將白蘿蔔去皮切成幼條 

2. 蝦米浸至軟身後用水沖洗乾淨及瀝乾

3. 蝦米切碎 , 短臘腸同臘肉用熱水沖一沖洗切粒 , 冬菇切粒 , 浸冬菇水留起 

4. 將臘腸粒 , 臘肉粒入鑊用中火炒香 

5. 加入冬菇粒及蝦米粒拌勻炒數分鐘 , 盛起備用

6. 爆香餡料的鑊不要洗 , 加入蘿蔔絲拌炒數分鐘 

7. 逐少加入冬菇水用中火拌勻炒至收乾水份 

8. 再加入冬菇水拌勻 , 再炒至水份收乾 

9. 再加入餘下冬菇水拌勻 , 用中火炒至收乾水份及蘿蔔成透明狀

10. 將加入炒好的配料加入蘿蔔絲內拌炒數分鐘 , 加少許鹽及胡椒炒調味再拌勻 

11. 粘米粉分三次加入蘿蔔內 , 每次用筷子拌勻

12. 糕盆掃上油 , 將材料平均放入至八分滿 , 再用刀壓平 

13. 美的早餐機或蒸鍋內加約3杯水 , 將糕盆放入蓋上蓋 , 按<蒸 / 煮>功能 , 時間調至1小時

14. 蒸1小時後再焗10分鐘(如用蒸鍋 , 同樣蓋上蓋蒸1小時再焗10分鐘)

15. 取出灑上白芝麻 , 如食蒸蘿蔔糕就可趁熱食 

16. 如食煎蘿蔔糕的話 , 需待涼1小時 , 蓋上保鮮紙入雪櫃靜待一晚

17. 食前切片或切粒 , 放入鑊中用慢火慢慢煎至兩面金黃色即可




超足料的臘味蘿蔔糕 , 細底即蒸即食 , 大底放入雪櫃靜待一晚再煎黎食呢 ^^








20 則留言:

  1. 其實蘿蔔糕不一定過年先整,只要有靚蘿蔔除時都整得。

    回覆刪除
  2. 真係好足料喎,係唔係新年我都唔會整架,因唔識整呢

    回覆刪除
  3. 認同袁太的講法,想食隨時整都可以

    回覆刪除
  4. 袁太的蘿蔔糕好足料呀

    回覆刪除
  5. 袁太好勁呀...蘿蔔糕真係好味道呀...食極都唔嫌架!
    但肥人覺得整蘿蔔糕好攰呢...

    回覆刪除
  6. 我係咪新年都唔會整,只會食��

    回覆刪除
  7. 我鐘意食煎蘿蔔糕呀

    回覆刪除

老行家官燕蘋果玫瑰果醬食譜 ~蘋果果醬麵包卷~

繼續同大家分享老行家品牌官燕果醬禮盒食譜 , 繼續分享蘋果玫瑰果醬 , 之前就用來製作雞扒 , 美味滿分兼袁生相當滿意後 , 今次就用來配上白方包製作甜點 , 用來作下午茶就最適合 , 而且材料同製作亦非常簡單 ......