[宵夜餐] 香菇豆苗豬肉湯餃

呢幾日的天氣有時天蔭蔭 , 有時下著雨 , 有時又出太陽 , 不過天氣開始涼了, 大家又要為自己身體做足保暖功夫 , 始終冬天就快來臨 , 病左就唔係咁好喇 ......



以往天氣秋涼或寒冷的時候 , 袁太必然會攬住豬豬 , 因為豬豬體溫好鬼暖 , 不過時間過得真快 , 原來豬豬不經不覺移民左去彩虹橋已經差不多四年了 , 好掛住佢添 , 另一樣係每臨近年尾 , 必然係袁生趕圖的時候 , 最近晚晚都見佢晝到咁夜 , 晝得夜自然會肚仔餓 , 所以要為他準備宵夜 , 整宵夜俾袁生要用佢喜愛的材料做主打 , 豆苗係佢其中一樣喜愛的食物



現在街市已陸續有豆苗賣 , 暫時15蚊半斤 , 都唔算貴 , 就買了半斤回家

買豆苗包個餃餃 , 整碗熱辣辣的湯餃俾袁生做宵夜絕對係唔錯的選擇 , 想食餃餃當然又係自家製出品 , 今次的餃餃除用豆苗外 , 依舊配豬肉 , 不過今次唔用豬肉碎 , 買左舊半肥瘦梅頭自己剁 , 再加入香味濃郁的冬菇 , 呢款餡料我喜歡 , 不過做湯餃 , 對於袁太黎講 , 最難莫過於係湯底方面 , 又唔想用雞湯 , 又唔想專登煲個湯黎配餃 , 就簡單用蔥粒 , 豉油 , 浸冬菇水同水煮成湯底 , 簡單得來味道都唔差 , 等袁生食完碗熱辣辣的愛心湯餃後 , 繼續加油 , 努力努力呢 ^^




材料 : 半肥豬梅頭肉 , 豆苗 , 冬菇(預先浸軟) , 餃子皮 , 胡椒粉 , 鹽 , 糖 , 蔥 , 薑 , 美的早餐機(MZ-DSY18A)

豆苗加少許鹽及水浸過面靜待10分鐘 , 半肥瘦豬肉切條再切粒及剁碎 , 放入大碗內加少許水拌勻靜待10分鐘  

冬菇切粒(浸冬菇水留用) , 蔥白及青蔥分別切粒 , 薑去皮蘑成薑汁 , 豬肉加入醃料拌勻靜待30分鐘 , 豆苗浸10分鐘後用水清洗乾淨 , 放入美的早餐機的煲內加少許鹽及水 , 按<蒸 / 煮>功能蓋上蓋煮15分鐘至軟身 , 盛起待涼20分鐘後切碎及渣乾水份 , 將冬菇粒 , 豆苗放入豬肉碎內拌勻 , 用手撻十餘下 , 蓋上保鮮紙入雪櫃靜待1小時

期間將蔥白粒及生抽放入美的早餐機的煲內 , 加入浸冬菇水及200ml水拌勻 , 按<蒸 / 煮>功能 , 蓋上蓋先煮15分鐘 , 再將火力調低至300 , 再煮30分鐘 , 餡料從雪櫃取出靜待10分鐘 , 煮好的湯底隔去蔥粒備用

將餡料放上餃子皮中間位置 , 再對摺封口 , 取適量餃子放入美的早餐機的煲內 , 加水蓋過面 , 按<蒸 / 煮>功能慢慢煮至滾後 , 再加入適量水 , 再煮至滾 , 直至餃熟透為止 , 湯碗內放入青蔥粒 , 少許麻油及胡椒粉 , 再放上已煮熟的豬肉餃 , 將湯底再煮滾 , 淋在湯碗內即可

材料 
半肥豬梅頭肉$20 , 豆苗半斤 , 冬菇5隻(預先浸軟) , 餃子皮 , 胡椒粉 , 鹽 , 糖 , 蔥 , 薑 , 美的早餐機(MZ-DSY18A)

醃料 
生抽 , 鹽 , 糖 , 生粉 , 麻油 , 胡椒粉



做法
1. 豆苗加少許鹽及水浸過面靜待10分鐘 

2. 半肥瘦豬肉切條再切粒及剁碎 , 放入大碗內加少許水拌勻靜待10分鐘

3. 冬菇切粒(浸冬菇水留用) , 蔥白及青蔥分別切粒 , 薑去皮蘑成薑汁 

4. 豬肉加入醃料拌勻靜待30分鐘

5. 豆苗浸10分鐘後用水清洗乾淨 , 放入美的早餐機的煲內加少許鹽及水 

6. 按<蒸 / 煮>功能蓋上蓋煮15分鐘至軟身 

7. 盛起待涼20分鐘後切碎及渣乾水份 

8. 將冬菇粒 , 豆苗放入豬肉碎內拌勻 , 用手撻十餘下 , 蓋上保鮮紙入雪櫃靜待1小時 

9. 期間將蔥白粒及生抽放入美的早餐機的煲內 , 加入浸冬菇水及200ml水拌勻 

10. 按<蒸 / 煮>功能 , 蓋上蓋先煮15分鐘 

11. 再將火力調低至300 , 再煮30分鐘 

12. 餡料從雪櫃取出靜待10分鐘 

13. 煮好的湯底隔去蔥粒備用

14. 將餡料放上餃子皮中間位置 , 再對摺封口 

15. 取適量餃子放入美的早餐機的煲內 , 加水蓋過面 

16. 按<蒸 / 煮>功能慢慢煮至滾後 , 再加入適量水 , 再煮至滾 , 直至餃熟透為止 

17. 湯碗內放入青蔥粒 , 少許麻油及胡椒粉 

18. 再放上已煮熟的豬肉餃 , 將湯底再煮滾 , 淋在湯碗內即可 




雖然湯底只用上簡單的材料去煮 , 但配上用豆苗做餡料的餃子非常之夾呢 ^^