2018年11月28日 星期三

沙薑焗雞




睇開袁太廚房的朋友仔 , 應該都會知道袁生袁太除左喜愛食炸物之外 , 雞雞都非常喜愛 , 雖然而家唔食得雞 , 但我絕對唔會趕絕袁生陪我一齊唔食雞既 , 之但係而家買一隻雞番黎 , 就要袁生分兩日先可以食得晒 ......



之前用焗爐整焗豬扒飯 , 煨蕃薯後 , 今次就整沙薑焗雞 , 其實點解袁太會整沙薑雞呢 ??? 某日同袁生去快餐店開餐 , 袁生就點左個沙薑雞飯 , 話沙薑味就好夠 , 不過雞肉就鞋烚烚 , 食食下就突然叫我第日買隻雞整沙薑雞 , 我當時都唔知俾咩反應好 , 因為以前的袁生係唔會主動叫我整野俾佢食 , 當然佢非常愛吃個幾樣例外呢 , 但最近都唔知做咩 , 好似食左屎咁經常叫我整野俾佢食 , 有人經常說女人難觸摸 , 其實我覺得男人亦一樣



好喇 , 講番個雞先 , 袁太第二日真係好聽話去街市買左隻雞 , 又去左雜貨店買沙薑粉 , 不過我唔會用蒸的方法 , 會用焗的方法來烹調 , 所以又要開焗爐



整呢個沙薑雞極為簡單 , 用所需醃料醃下隻雞 , 然後放薑 , 蔥 , 蒜墊底及雞內 , 用錫紙蓋住雞的表面 , 放入焗爐焗40分鐘 ,  再拎走張錫紙再焗多10分鐘就食得 , 一路焗一路聞到好香的味道 , 真係忍死我 , 見袁生食完 , 話雖然係焗 , 但雞肉嫩滑 , 完全唔鞋口 , 雞皮又有少少脆 , 極之美味 , 袁生仲俾左100分 , 當晚一口氣食左半隻 , 另外個半隻袁太翌日斬件俾袁生拌麵食呢 ^^ 



材料 : 雞 , 沙薑粉 , 蒜頭 , 乾蔥頭 , 蔥 , 薑 , 鹽 , 酒 , 錫紙 , 焗爐紙 , 胡椒粉




雞去頭 , 去尾 , 肥膏及雞腳 , 用手刮去雞內的污物 , 用水沖洗雞的外內兩面 , 抹乾水份後放入器皿內加少許鹽及酒拌勻先靜待30分鐘 


















30分鐘後加入沙薑粉 , 胡椒粉及生抽拌勻 , 蓋上保鮮紙靜待1小時 , 期間將薑去皮分別切片及切粒 , 蔥切段及蔥粒 , 蒜頭去衣拍 , 乾蔥頭去衣切粒 , 焗盆內放上焗爐紙 , 放入一半份量薑片 , 蔥段及蒜頭 , 放上雞 , 餘下一半份量的薑片 , 蔥段及蒜頭放入雞內 , 用錫紙蓋上雞靜待10分鐘 , 焗爐用230C預熱10分鐘





















雞放入焗爐內 , 用200C上下火焗40分鐘 , 期間焗20分鐘後將雞取出反轉另一面 , 蓋上錫紙入焗爐繼續焗











焗好40分鐘後去除錫紙 , 轉180C上火焗5分鐘 , 再反轉另一面同樣焗5分鐘 , 焗好靜待10分鐘 , 期間將薑粒及乾蔥粒爆香 , 盛起加入少許沙薑粉 , 糖調味 , 再加入蔥粒及贊少許熟滾油拌勻即可

















材料
雞1隻 , 沙薑粉 , 蒜頭1/2個 , 乾蔥頭3粒 , 蔥 , 薑 , 鹽 , 酒 , 錫紙 , 焗爐紙 , 胡椒粉



做法
1. 雞去頭 , 去尾 , 肥膏及雞腳 , 用手刮去雞內的污物 , 用水沖洗雞的外內兩面 

2. 抹乾水份後放入器皿內加少許鹽及酒拌勻先靜待30分鐘  

3. 30分鐘後加入沙薑粉 , 胡椒粉及生抽拌勻 , 蓋上保鮮紙靜待1小時 

4. 期間將薑去皮分別切片及切粒 , 蔥切段及蔥粒 , 蒜頭去衣拍 , 乾蔥頭去衣切粒 

5. 焗盆內放上焗爐紙 , 放入一半份量薑片 , 蔥段及蒜頭 , 放上雞 

6. 餘下一半份量的薑片 , 蔥段及蒜頭放入雞內 

7. 用錫紙蓋上雞靜待10分鐘 

8. 焗爐用230C預熱10分鐘

9. 雞放入焗爐內 , 用200C上下火焗40分鐘 

10. 期間焗20分鐘後將雞取出反轉另一面 , 蓋上錫紙入焗爐繼續焗

11. 焗好40分鐘後去除錫紙 , 轉180C上火焗5分鐘 

12. 再反轉另一面同樣焗5分鐘 , 焗好靜待10分鐘 

13. 期間將薑粒及乾蔥粒爆香 , 盛起加入少許沙薑粉 , 糖調味 

14. 再加入蔥粒及贊少許熟滾油拌勻即可




本身呢個沙薑焗雞已經好夠味 , 唔需要配薑蓉 , 個薑蓉係俾袁生拌飯食呢 ^^










17 則留言:

  1. 好靚仔呀!我多數蒸, 下次又試試焗先, 我老公好喜歡食架😍

    回覆刪除
  2. 隻雞焗得好靚

    回覆刪除
  3. 焗得好靚呀!好想食呢!

    回覆刪除
  4. 回覆
    1. 因幾年前腰有瘤,做手術割左,醫生話盡量唔好食雞,牛,羊,鴨,鵝比較毒的食物,會復發呢

      刪除
  5. 焗得好金黃好靚

    回覆刪除
  6. 真的焗得好靚,色澤好平均

    回覆刪除

老行家官燕蘋果玫瑰果醬食譜 ~蘋果果醬麵包卷~

繼續同大家分享老行家品牌官燕果醬禮盒食譜 , 繼續分享蘋果玫瑰果醬 , 之前就用來製作雞扒 , 美味滿分兼袁生相當滿意後 , 今次就用來配上白方包製作甜點 , 用來作下午茶就最適合 , 而且材料同製作亦非常簡單 ......