2018年11月29日 星期四

香煎蜜桃豬扒




假日清潔廚房的時候 , 發現廚櫃上有罐地們蜜桃 , 究竟我係幾時買回家 ??? 快快手清一清 , 但又唔想整沙律 , 又唔想整甜品 , ~哼~ 一於用來煮餸吧 , 煮雞翼還是煮豬扒好 ??? 俾我選擇的話 , 我會選擇雞翼 , 不過大家知喇 , 袁太唔食得雞 , 而且我知袁生會喜愛豬扒多一些 , 而我的推段果然冇錯 , 袁生要求 ~豬扒~ ......



決定好煮豬扒之後 , 就去急凍店買靚靚的梅頭豬扒肉 , 回家剁好醃一醃 , 呢個豬扒除左有蜜桃外 , 袁太仲加左洋蔥同青椒 , 一定好好送飯 , 我亦知袁生唔太喜愛食加熱左的生果 , 例如士多啤梨骨 , 香橙排骨 , 菠蘿紅燒肉佢統統唔食 , 反而我就好喜歡食 , 但又唔煮得



所以唯一辦法 , 就整好豬扒後熄火才加入蜜桃粒拌勻 , 咁蜜桃就唔會太熱 , 袁生就應該唔會有問題呢 ^^



材料 : 梅頭豬扒肉 , 洋蔥 , 青椒 , 罐頭蜜桃 , 蔥 , 胡椒粉 , 糖 , 生粉 , 水 , 酒 , 美的早餐機(MZ-DSY18A)




梅頭豬扒肉解凍後用水沖一沖洗 , 抹乾水份 , 用刀背拍鬆兩面後切件 , 放入大碗內加入醃料拌勻靜待1小時













期間將洋蔥去衣切條 , 青椒去籽切條 , 青椒放入美的早餐機的煲內加少許油及水 , 按<蒸 / 煮>功能蓋上蓋煮10分鐘 , 盛起青椒瀝乾水份備用 , 罐頭蜜桃肉切粒











燒紅鑊 , 將豬扒放入鑊中用中火煎至兩面金黃色後盛起 , 原鑊加入洋蔥及青椒炒香至洋蔥微軟身 , 將豬扒回鑊 , 倒入醃豬扒汁(將醃豬扒的汁加少許水拌勻) , 用中火快炒至汁料半收乾 , 熄火加入蔥段及蜜桃粒拌勻即可




















材料
梅頭豬扒肉6塊 , 洋蔥1個 , 青椒1個 , 罐頭蜜桃1罐 , 蔥 , 胡椒粉 , 糖 , 生粉 , 水 , 酒 , 美的早餐機(MZ-DSY18A)

醃料
生抽 , 老抽 , 糖 , 胡椒粉 , 麻油 , 生粉 , 水



做法
1. 梅頭豬扒肉解凍後用水沖一沖洗 , 抹乾水份 

2. 用刀背拍鬆兩面後切件 , 放入大碗內加入醃料拌勻靜待1小時

3. 期間將洋蔥去衣切條 , 青椒去籽切條 

4. 青椒放入美的早餐機的煲內加少許油及水 , 按<蒸 / 煮>功能蓋上蓋煮10分鐘

5. 盛起青椒瀝乾水份備用

6. 罐頭蜜桃肉切粒

7. 燒紅鑊 , 將豬扒放入鑊中用中火煎至兩面金黃色後盛起 

8. 原鑊加入洋蔥及青椒炒香至洋蔥微軟身 

9. 將豬扒回鑊 , 倒入醃豬扒汁(將醃豬扒的汁加少許水拌勻) 

10. 用中火快炒至汁料半收乾 , 熄火加入蔥段及蜜桃粒拌勻即可 




如果大家唔喜愛罐頭蜜桃 , 轉用水蜜桃或橙肉都可以 , 呢個絕對係好拌飯系列小菜呢 ^^







20 則留言:

  1. 好味道..我99都用罐頭桃煮餸, 真係好好味呢~

    回覆刪除
  2. 加入蜜桃味道提升好多

    回覆刪除

老行家官燕蘋果玫瑰果醬食譜 ~蘋果果醬麵包卷~

繼續同大家分享老行家品牌官燕果醬禮盒食譜 , 繼續分享蘋果玫瑰果醬 , 之前就用來製作雞扒 , 美味滿分兼袁生相當滿意後 , 今次就用來配上白方包製作甜點 , 用來作下午茶就最適合 , 而且材料同製作亦非常簡單 ......