芝士菠菜煙肉焗大菇

吉吉島每逢星期三都係特價日 , 袁太就最鐘意特價日的時候買下零食 , 冷凍食物或者肉類 , 每星期的星期三都買極多野回家 , 次次都俾袁生話 ~買咁多煮得晒咩~ , 超 ... 你唔好理我咁多 , 我鐘意呀 , 吹咩 ......



今次就買燒烤菇做晚餐 , 一包有三至四隻大菇 

印象中呢款菇N年前買過一次 , 用黎配菠菜焗係超級好味 , 所以就決定買包大菇回家用黎做晚餐 , 呢款大菇簡單加菠菜同芝士已經好好味 , 不過我見雪櫃仲有煙肉同洋蔥 , 所以就加埋入菇菇到一齊焗 , 餡料入面加麵包糠拌勻  , 可以令餡料收乾水份 , 焗完出黎唔會水汪汪



食一隻都已經好飽 , 可能菇入面實在太多餡料 , 袁生成日都話食過我煮既野 , 好難會食到出面街的食物 , 話我煮咩都太足料 , 如果出街食就自然覺得街的係完全冇料 , 其實佢有冇諗過 , 點解我煮咩都係咁足料呢 ??? 咪就係因為佢自己同我講 , 話自己在家製作一定要多多配料 , 我只不過係聽佢講的說話 , 我冇做錯喎 , 而家又厭我煮既野多料 , 咁難服侍架



燒烤菇除左焗之外 , 其實只要將菇菇切粒 , 放入鑊加少許牛油 , 鹽 , 黑胡椒碎炒香 , 用來拌法包都好好味 , 袁太之前都試過 , 真係好味到停唔到口呢 ^^



材料 : 燒烤菇 , 菠菜 , 洋蔥 , 煙肉 , Mozzarella Cheese , 麵包糠 , 蒜頭 , 黑胡椒碎 , 牛油 , 鹽 , 美的早餐機(MZ-DSY18A)

菠菜切去頂部 , 加少許鹽及水浸過面靜待10分鐘 , 期間將蒜頭 , 洋蔥去衣切粒 , 煙肉切細片 , 燒烤菇切去蒂 , 菇蒂切粒 , 菠菜浸10分鐘後用水清洗乾淨 , 放入美的早餐機的煲內加少許鹽及水 , 按<蒸 / 煮>功能蓋上蓋煮10分鐘至軟身 , 盛起待涼20分鐘後略切碎及渣乾水份

焗爐用180C預熱10分鐘 , 焗盆放上焗爐紙 , 再放上燒烤菇 , 掃一層油 , 灑上鹽及黑胡椒碎 , 放入焗爐用180C上下火焗5分鐘

焗菇期間將煙肉 , 蒜粒 , 洋蔥粒放入鑊中爆香 , 加入菇蒂粒及牛油拌勻炒至有香味 , 再加入菠菜拌勻 , 將材料盛起放入大碗內 , 加入麵包糠 , 芝士碎拌勻靜待10分鐘

菠菜餡料待10分鐘後逐一釀入大菇內 , 灑上適量麵包糠及芝士碎 , 放入焗爐用180C上下火焗15分鐘至芝士溶化成金黃色 , 待涼10分鐘即可

材料
燒烤菇5隻 , 菠菜1/2斤 , 洋蔥2個 , 煙肉3片 , Mozzarella Cheese , 麵包糠 , 蒜頭1/2個 , 黑胡椒碎 , 牛油 , 鹽 , 美的早餐機(MZ-DSY18A)



做法
1. 菠菜切去頂部 , 加少許鹽及水浸過面靜待10分鐘 

2. 期間將蒜頭 , 洋蔥去衣切粒 , 煙肉切細片 

3. 燒烤菇切去蒂 , 菇蒂切粒 

4. 菠菜浸10分鐘後用水清洗乾淨 

5. 放入美的早餐機的煲內加少許鹽及水 , 按<蒸 / 煮>功能蓋上蓋煮10分鐘至軟身 

6. 盛起待涼20分鐘後略切碎及渣乾水份

7. 焗爐用180C預熱10分鐘 

8. 焗盆放上焗爐紙 , 再放上燒烤菇 , 掃一層油 , 灑上鹽及黑胡椒碎 

9. 放入焗爐用180C上下火焗5分鐘

10. 焗菇期間將煙肉 , 蒜粒 , 洋蔥粒放入鑊中爆香 , 加入菇蒂粒及牛油拌勻炒至有香味 

11. 再加入菠菜拌勻 

12. 將材料盛起放入大碗內 , 加入麵包糠 , 芝士碎拌勻靜待10分鐘

13. 菠菜餡料待10分鐘後逐一釀入大菇內 , 灑上適量麵包糠及芝士碎 

14. 放入焗爐用180C上下火焗15分鐘至芝士溶化成金黃色 

15. 待涼10分鐘即可 




焗到芝士金金黃黃 , 一路焗已經聞到好香的菇菇味 , 我唔客氣呢 ^^