2018年11月19日 星期一

鹹魚肉碎扒豆腐花




鹹魚呢家野我屋企個位袁生喜歡到不得了 , 逢係用鹹魚做的小菜都非常喜歡 , 好似有鹹魚蒸肉餅 , 用鹹魚做的魚香茄子 , 用鹹魚做的沙律 , 用鹹魚做的炒飯佢統統都愛 , 可以稱得上係一位鹹魚怪 ......



某日去街市見鹹魚靚靚 , 就買來諗住簡單配肉碎炒 , 後來經過豆腐店見有豆腐花賣 , 滑滑的豆腐花我鐘意 , 就買左一碗




買豆腐花時就叫阿姐全走 , 即係走糖水走黃糖 , 回家就加上湯蒸熱 , 再放上鹹魚肉碎 , 一定好好拌飯 , 平時豆腐花我唔太鐘意甜食 , 喜歡買豆腐花走糖水走黃糖 , 回家再加工變成一個鹹食 , 又經濟又好味 , 又好好拌飯的一道簡單家常菜 , 連平時唔多喜愛食豆腐的袁生都話呢個餸無得頂 , 唔知係味因為有佢至愛的鹹魚關係呢 ^^



材料 : 鹹魚 , 豬肉碎 , 蒜頭 , 豆腐花(走糖水走黃糖) , 糖 , 上湯 , 胡椒粉 , 蔥 , 美的早餐機(MZ-DSY18A)




豬肉碎放入大碗內加入醃料拌勻靜待30分鐘 , 蒜頭去衣切粒 , 蔥切粒及切段 , 鹹魚去骨切粒









豆腐花放入碗內 , 加入上湯 , 放入美的早餐機的蒸架上蓋上蓋 , 時間調至10分鐘 , 期間燒紅鑊 , 加入蒜粒 , 蔥段爆香 , 盛起蔥段去掉 , 加入鹹魚粒拌勻炒數分鐘至有香味 , 加入豬肉碎及贊少許酒用中火炒至轉色 , 加少許蠔油及胡椒粉調味拌勻炒至豬肉熟透 , 蒸好的豆腐花取出倒去多餘水份 , 將鹹魚肉碎淋上豆腐花上, 最後灑上蔥粒即可



























材料
鹹魚1片 , 豬肉碎$10 , 蒜頭1/2個 , 豆腐花1碗(走糖水走黃糖) , 糖 , 上湯50ml , 胡椒粉 , 蔥 , 美的早餐機(MZ-DSY18A)

醃料
生抽 , 糖 , 生粉 , 胡椒粉 , 麻油 , 水



做法
1.豬肉碎放入大碗內加入醃料拌勻靜待30分鐘 

2. 蒜頭去衣切粒 , 蔥切粒及切段 , 鹹魚去骨切粒

3. 豆腐花放入碗內 , 加入上湯 , 放入美的早餐機的蒸架上蓋上蓋 , 時間調至10分鐘 

4. 期間燒紅鑊 , 加入蒜粒 , 蔥段爆香 , 盛起蔥段去掉 

5. 加入鹹魚粒拌勻炒數分鐘至有香味 

6. 加入豬肉碎及贊少許酒用中火炒至轉色 

7. 加少許蠔油及胡椒粉調味拌勻炒至豬肉熟透 

8. 蒸好的豆腐花取出倒去多餘水份 , 將鹹魚肉碎淋上豆腐花上, 最後灑上蔥粒即可




鹹魚肉碎夠香濃 , 豆腐花又夠滑滑 , 用來拌飯一流 , 好味道呢 ^^










18 則留言:

  1. 唔好食太多咸魚呀袁太, 唔太健康呢~~
    呢個真係第一次聽呀, 肥人以為豆腐花只有甜呢...好搞笑呀!

    回覆刪除
  2. 原來豆腐花都可以鹹食,好得呀

    回覆刪除
  3. 原來豆腐花可以咁食,又學到野呢

    回覆刪除

老行家官燕蘋果玫瑰果醬食譜 ~蘋果果醬麵包卷~

繼續同大家分享老行家品牌官燕果醬禮盒食譜 , 繼續分享蘋果玫瑰果醬 , 之前就用來製作雞扒 , 美味滿分兼袁生相當滿意後 , 今次就用來配上白方包製作甜點 , 用來作下午茶就最適合 , 而且材料同製作亦非常簡單 ......