[有味飯系列] 粒粒香菇栗子飯

平時一向唔多食午餐的袁太 , 最近唔知點解愛上了食午餐 , 仲要愛上食炒粉麵飯 , 最愛食有味飯 , 愛有味飯做法簡單 , 大大碗又夠飽肚 , 袁太曾經煮過栗子臘味飯已經覺得好好味 , 不過今次就煮另一款的有味飯 ......



有時見某超市的特價日 , 除買日用品 , 零食 , 奶類 , 冷凍食品外 , 仲買左幾pack菇菇 , 買左大燒烤菇同啡蘑菇 , 白蘑菇

今次有味飯就唔用臘味 , 換來同樣香噴噴的啡/白蘑菇 , 冬菇 , 栗子 , 煙肉做主打 , 做法只將白米炒香放入飯煲 , 再用冬菇水配上湯煮下其餘材料 , 再連同白米拌勻按製煮熟就可 , 係咪好簡單 , 用上美的智能高速鍋約20分鐘就完成 , 好快呢



煮好後的菇菇香味四散 , 栗子又軟軟 , 飯吸收晒所有配料的味道 , 真係非常~yummy yummy~ , 而且有栗子 , 絕對夠晒飽肚 , 一窩飯已經可以完全代替午餐及晚餐 , 所以秋冬或寒冷的天氣 , 有碗有味飯陪伴左右 , 絕對快靚正 , 而呢個飯美味之餘仲好正氣呢 ^^



材料 : 白米 , 冬菇(預先浸軟) , 冬菇水 , 啡/白磨菇 , 煙肉 , 栗子 , 蔥粒 , 薑 , 上湯 , 酒 , 鹽 , 胡椒粉 , 水 , 美的早餐機(MZ-DSY18A)

栗子放入煲內 , 加水蓋過面用中火煮滾 , 盛起趁熱去殼 , 將栗子肉沖一沖洗及瀝乾 , 上湯及冬菇水放入美的早餐機的煲內 , 蓋上蓋按<蒸 / 煮>功能 , 時間調至15分鐘加熱 , 期間將冬菇切粒 , 啡 / 白蘑菇切粒 , 煙肉切細片 , 薑去皮切粒 , 白米用水沖一沖洗及瀝乾

燒紅鑊 , 先爆香薑粒 , 加入白米用中火拌炒至乾身 , 放入美的智能高速鍋的煲內備用

將煙肉放入鑊中爆香 , 加入冬菇粒及啡 / 白蘑菇粒 , 贊少許酒炒至微軟 , 加入栗子 , 冬菇上湯拌勻 , 用中火煮滾後蓋上蓋轉慢火煮5分鐘

將煮好的配料連汁料放入有白米的煲內 , 加少許鹽 , 胡椒粉 , 生抽及水拌勻(水的份量按平時煮飯的份量) , 蓋上蓋按<米飯>功能 , 再按<開始> , 之後會有時間顯示需時多久 , 高速鍋煮完後會發出嗶嗶聲響 , 焗30分鐘 , 打開蓋加入蔥粒拌勻即可

材料
白米3杯 , 冬菇4隻(預先浸軟) , 冬菇水 , 啡/白磨菇 , 煙肉2片 , 栗子1/2磅 , 蔥粒 , 薑 , 上湯300ml , 酒 , 鹽 , 胡椒粉 , 水 , 美的早餐機(MZ-DSY18A)



做法
1. 栗子放入煲內 , 加水蓋過面用中火煮滾 , 盛起趁熱去殼 , 將栗子肉沖一沖洗及瀝乾 

2. 上湯及冬菇水放入美的早餐機的煲內

3. 蓋上蓋按<蒸 / 煮>功能 , 時間調至15分鐘加熱 

4. 期間將冬菇切粒 , 啡 / 白蘑菇切粒 , 煙肉切細片 , 薑去皮切粒 

5. 白米用水沖一沖洗及瀝乾

6. 燒紅鑊 , 先爆香薑粒 , 加入白米用中火拌炒至乾身 , 放入美的智能高速鍋的煲內備用

7. 將煙肉放入鑊中爆香 , 加入冬菇粒及啡 / 白蘑菇粒 , 贊少許酒炒至微軟 

8. 加入栗子 , 冬菇上湯拌勻 , 用中火煮滾後蓋上蓋轉慢火煮5分鐘 

9. 將煮好的配料連汁料放入有白米的煲內 

10. 加少許鹽 , 胡椒粉 , 生抽及水拌勻(水的份量按平時煮飯的份量)

11. 蓋上蓋按<米飯>功能 , 再按<開始> , 之後會有時間顯示需時多久

12. 高速鍋煮完後會發出嗶嗶聲響 

13. 焗30分鐘 , 打開蓋加入蔥粒拌勻即可 




袁太極力推介呢個"栗子飯" , 真係好香好味到暈 , 大家有機會都試下整呢 ^^