黃金椰汁粟米露

2019年第一post的食譜 , 由金金黃黃的粟米露開始 , 之前整左南瓜布甸之後(有關食譜之前亦都上傳過) , 感覺用南瓜做甜品真係好鬼正 , 所以見某日買左個南瓜煲湯 , 不過南瓜好大個 , 用唔晒 , 就用黎整甜品或糖水嘆下 ......



今次的南瓜甜品袁太選擇配西米整成西米露 , 因袁太非常喜歡食西米露呢 , 而且西米露做法簡單 , 先前將南瓜蒸熟壓成蓉 , 再配上花奶 , 椰漿呢堆甜椰椰的材料 , 一定甜到入心 , 另外整南瓜西米露 , 袁太一定要加粟米架 , 皆因袁太好愛粟米 , 最愛新鮮粟米粒甜甜 , 好鬼好味 , 而且將粟米粒加入南瓜西米露同煮 , 令甜品變得有咬口 , 雖然今次煮的份量唔多 , 不過一人都有兩碗架 , 袁生都好喜歡呢個甜品呢 ^^



材料 : 長型南瓜 , 粟米 , 淡奶 , 椰漿 , 冰糖 , 鹽 , 水 , 西米 , 美的早餐機(MZ-DSY18A)

西米放入煲內 , 加水拌一拌勻西米以免黏底 , 用慢火煮至西米成半透明狀 , 熄火蓋上蓋焗20分鐘 , 西米倒入隔篩內用水沖洗數分鐘 , 加入冰水浸過面靜待10分鐘後瀝乾水份備用

粟米去外皮去鬚切段 , 南瓜去皮去籽切粒 , 美的早餐機煲仔加水 , 放上蒸架及粟米 , 蓋上蓋按<蒸 / 煮>功能 , 時間調至15分鐘 , 蒸好取出將粟米起出粟米粒 , 蒸完粟米蒸南瓜 , 蓋上蓋按<蒸 / 煮>功能 , 時間調至20分鐘 , 蒸好取出壓成南瓜蓉

冰糖放入煲內 , 加入南瓜蓉 , 600ml水拌勻 , 用慢火煮至冰糖溶掉 , 加入椰漿及淡奶拌勻煮滾 , 再加入粟米粒及少許鹽拌勻 , 用慢火煮滾盛起面上泡泡去掉 , 最後加入西米拌勻煮滾即可

材料
長型南瓜1/4邊 , 粟米1條 , 淡奶60ml , 椰漿200ml , 冰糖 , 鹽 , 水600ml , 西米 , 美的早餐機(MZ-DSY18A)



做法
1. 西米放入煲內 , 加水拌一拌勻西米以免黏底 , 用慢火煮至西米成半透明狀

2. 熄火蓋上蓋焗20分鐘 

3. 西米倒入隔篩內用水沖洗數分鐘 , 加入冰水浸過面靜待10分鐘後瀝乾水份備用 

4. 粟米去外皮去鬚切段 , 南瓜去皮去籽切粒 

5. 美的早餐機煲仔加水 , 放上蒸架及粟米 

6. 蓋上蓋按<蒸 / 煮>功能 , 時間調至15分鐘 

7. 蒸好取出將粟米起出粟米粒

8. 蒸完粟米蒸南瓜 , 蓋上蓋按<蒸 / 煮>功能 , 時間調至20分鐘 

9. 蒸好取出壓成南瓜蓉

10. 冰糖放入煲內 , 加入南瓜蓉 , 600ml水拌勻 

11. 用慢火煮至冰糖溶掉 , 加入椰漿及淡奶拌勻煮滾 , 再加入粟米粒及少許鹽拌勻 

12. 用慢火煮滾盛起面上泡泡去掉 , 最後加入西米拌勻煮滾即可 




金金黃黃的椰汁西米露 , 香甜美味 , 有冇朋友仔想要一碗呢 ^^