2019年1月25日 星期五

避風塘雞翼




聖誕過後又到除夕元旦的日子 , 元旦過後又差不多到農曆新年 , 袁太亦陸續收到朋友仔的whatsapp訊息 , 想麻煩袁太幫忙整食物或糕點 , 因朋友仔經常都會開派對 , 袁太當然唔會say no , 今次朋友仔要求想要避風塘雞翼 , 當然沒有問題 ......



不過交貨俾朋友仔之前 , 都要買材料預先整下 , 睇下味道得唔得先再整俾朋友仔呢 , 不過試味方面當然要袁生幫手 , 皆因袁太唔食得雞呢 , 剛巧冰箱有包雞翼 , 只去街市買包炸蒜就得 , 大家當然可以自己將蒜頭切碎再油炸至金黃 , 不過袁太今次懶喇 , 買現成炸蒜方便得多 , 平時想食炸物 , 一定會開油鑊炸野 , 自從有左美的免油健炸寶後 , 想炸野絕對冇難度 , 而且唔駛用油炸 , 可以慳番好多油



先將雞翼醃一晚 , 翌日沾上麵粉 , 大家喜歡可以加入椒鹽可以香ddd , 放美的免油健炸寶至兩面金黃色 , 唔需要用油 , 好鬼方便(如果大家冇健炸寶或炸鍋機 , 當然係放入油鑊用慢火慢慢炸至兩面金黃色) , 雞翼脆卜卜 , 就咁食已經好正 , 話明避風塘 , 當然要爆香埋炸蒜喇 , 炸蒜 , 乾蔥碎及辣椒粒爆香至乾身 , 將雞翼放入拌炒數分鐘就得 , 袁生試味相當滿意 , 可以整俾朋友仔開派對呢 ^^



材料 : 雞中翼 , 麵粉 , 麵包糠 , 炸蒜 , 酒 , 七味粉(可省略) , 味椒鹽 , 乾蔥頭 , 紅辣椒 , 糖 , 薑 , 錫紙 , 叉 , 美的免油健炸寶(MF20B) 




雞中翼先用叉拮一拮雞肉(方便入味) , 用水沖一沖洗乾淨再抹乾水份 , 乾蔥頭去衣切碎 , 紅辣椒切粒 , 薑去皮磨成薑汁 , 將抹乾水份的雞中翼放入大碗內 , 加入薑汁及醃汁拌勻放雪櫃靜待一晚













翌日將雞中翼雪櫃取出靜待10分鐘 , 期間將麵粉 , 味椒鹽拌勻 , 雞中翼兩面沾上薄薄一層麵粉 , 再灑上少許麵包糠













美的免油健炸寶的籃放上錫紙 , 放入雞中翼(雞皮向下) , 溫度調至180C , 時間調至8分鐘 , 8分鐘後將雞翼反轉(雞肉向下) , 繼續180C8分鐘至兩面金黃色脆身 , 乾蔥碎放入鑊中用中火爆香 , 再加入炸蒜及紅辣椒粒用慢火慢慢拌炒至乾身 , 將雞中翼加入炸蒜內拌勻即可


























材料
雞中翼12隻 , 麵粉 , 麵包糠 , 炸蒜 , 酒 , 七味粉(可省略) , 味椒鹽 , 乾蔥頭3粒 , 紅辣椒2隻 , 糖 , 薑 , 錫紙 , 叉 , 美的免油健炸寶(MF20B)     



做法
1. 雞中翼先用叉拮一拮雞肉(方便入味) , 用水沖一沖洗乾淨再抹乾水份

2. 乾蔥頭去衣切碎 , 紅辣椒切粒 , 薑去皮磨成薑汁

3. 將抹乾水份的雞中翼放入大碗內 , 加入薑汁及醃汁拌勻放雪櫃靜待一晚

4. 翌日將雞中翼雪櫃取出靜待10分鐘 

5. 期間將麵粉 , 味椒鹽拌勻

6. 雞中翼兩面沾上薄薄一層麵粉 , 再灑上少許麵包糠

7. 美的免油健炸寶的籃放上錫紙 

8. 放入雞中翼(雞皮向下) , 溫度調至180C , 時間調至8分鐘

9. 8分鐘後將雞翼反轉(雞肉向下) , 繼續180C8分鐘至兩面金黃色脆身

10. 乾蔥碎放入鑊中用中火爆香 , 再加入炸蒜及紅辣椒粒用慢火慢慢拌炒至乾身

11. 將雞中翼加入炸蒜內拌勻即可 




美的免油健炸寶 , 一滴油都唔駛落 , 雞翼依然脆卜卜 , 還有香噴噴的避風塘料 , 絕對適合做派對小食呢 ^^









19 則留言:

  1. 好惹味,引死人啦~~袁太好靚,煮完俾兩公婆食嘅仲可以幫朋友煮!

    回覆刪除
  2. 呢個雞翼好正呢

    回覆刪除
  3. 避風塘真係好好味

    回覆刪除

老行家官燕蘋果玫瑰果醬食譜 ~蘋果果醬麵包卷~

繼續同大家分享老行家品牌官燕果醬禮盒食譜 , 繼續分享蘋果玫瑰果醬 , 之前就用來製作雞扒 , 美味滿分兼袁生相當滿意後 , 今次就用來配上白方包製作甜點 , 用來作下午茶就最適合 , 而且材料同製作亦非常簡單 ......