2019年1月28日 星期一

玉桂焦糖核桃




袁生最近又開始密密趕圖 , 某日去街市只諗住買麵包的袁太 , 經過雜貨店無意中見到核桃肉 , 就買左少少回家俾袁生補補腦 , 做個小食俾袁生嘆下 , 大家係咪想話點解袁太咩都只係整俾袁生 , 咁自己呢 ??? 其實好簡單 , 皆因袁太唔喜愛食核桃架 ......



我知核桃呢樣食物對人體有好大益處 , 因核桃含維生素 , 亞麻酸 , Omega-3s , 礦物質等等 , 而且每日吃少許核桃還可以降低膽固醇 , 無論大人小朋友都非常有益 , 另外核桃仲可以補腦 , 呢樣就最啱袁生 , 佢經常要用腦構思畫圖 , 所以得閒就要幫佢補補腦 , 而我唔鐘意核桃的原因係因為總覺得核桃又苦又澀 , 要我食核桃 ??? 哼 ...... 好難喇 , 除非太陽由西邊升起



以往在街外買的核桃 , 雖然有好多種味 , 例如原味或蜜糖味 , 簡單買回來俾袁生當零食雖然方便 , 但其實自己在家整都同樣方便 , 只要去街市買核桃肉回家 , 稍為加加工 , 都可以整到相當美味的焦糖核桃 , 大家想想 , 焦糖的甜味加上苦苦地的核桃味道 , 真係人間美味極品(袁生話既) , 如果大家唔用食譜中的牛奶 , 可用水代替都得呢 ^^



材料 : 核桃肉 , 黃糖 , 白芝麻 , 牛奶 , 玉桂粉 , 鹽 , 錫紙 , 美的早餐機(MZ-DSY18A) , 美的免油健炸寶(MF20B)




核桃肉用水沖一沖洗乾淨 , 瀝乾水份再抹乾 , 美的免油健炸寶放上錫紙 , 再放上核桃肉 , 溫度調至200C , 時間調至5分鐘 , 熱辣辣的核桃肉待用 , 白芝麻放入美的早餐機的煎pan內 , 按<煎餅>功能拌炒白芝麻成微黃色 , 盛起備用



















逐一將黃糖 , 玉桂粉 , 鹽及牛奶放入美的早餐機的煎pan內拌勻 , 按<煎餅>功能 , 火力調低至200 , 慢慢拌勻煮至糖溶成焦糖色後盛起 , 核桃肉放上碟或碗內 , 糖漿趁熱倒入核桃肉內 , 再灑上白芝麻拌勻 , 鋪平在錫紙上靜待5分鐘待涼即可



















材料
核桃肉四襾 , 黃糖40g , 白芝麻 , 牛奶2湯匙 , 玉桂粉1茶匙 , 鹽0.5茶匙 , 錫紙 , 美的早餐機(MZ-DSY18A) , 美的免油健炸寶(MF20B)



做法
1. 核桃肉用水沖一沖洗乾淨 , 瀝乾水份再抹乾 

2. 美的免油健炸寶放上錫紙 , 再放上核桃肉 

3. 溫度調至200C , 時間調至5分鐘 , 熱辣辣的核桃肉待用 

4. 白芝麻放入美的早餐機的煎pan內 , 按<煎餅>功能拌炒白芝麻成微黃色

5. 盛起備用

6. 逐一將黃糖 , 玉桂粉 , 鹽及牛奶放入美的早餐機的煎pan內拌勻 

7. 按<煎餅>功能 , 火力調低至200 , 慢慢拌勻煮至糖溶成焦糖色後盛起 

8. 核桃肉放上碟或碗內 , 糖漿趁熱倒入核桃肉內 , 再灑上白芝麻拌勻 

9. 鋪平在錫紙上靜待5分鐘待涼即可




做法簡單又美味的玉桂焦糖核桃 , 唔駛5分鐘袁生已經全部K.O晒 , 話會越食越上癮呢 ^^








20 則留言:

  1. 肥人以前都不愛吃核桃, 而家愛上左啦!
    甜甜地都幾好食呢~

    回覆刪除
  2. 我同袁太一樣唔食核桃架

    回覆刪除
  3. 核桃好有益呢

    回覆刪除
  4. 我會食到唔停口架

    回覆刪除

老行家官燕蘋果玫瑰果醬食譜 ~蘋果果醬麵包卷~

繼續同大家分享老行家品牌官燕果醬禮盒食譜 , 繼續分享蘋果玫瑰果醬 , 之前就用來製作雞扒 , 美味滿分兼袁生相當滿意後 , 今次就用來配上白方包製作甜點 , 用來作下午茶就最適合 , 而且材料同製作亦非常簡單 ......