2019年2月3日 星期日

<美的陶瓷蒸燉寶MD8101F食譜> 千層紅棗糕




最近密密蒸糕 , 都冇時間上傳食譜同大家分享添 , 仲有兩日就農曆新年 , 袁太會陸續上傳賀年糕點及賀年小食同大家分享 , 第一款的賀年糕點有~千層紅棗糕~ , 呢款糕點對上一次整已經係2013年的事 , 不過當年整得實在太差 , 完全冇紅棗味之餘 , 糕點又實 , 味道完全唔掂 , 所以今年再試下挑戰呢款糕點 , 希望成功 ......



整千層糕一定要煙煙un un先好味 , 木薯粉就一定唔少得 , 木薯粉係東南亞材料店有得賣




紅棗係奶奶之前俾袁太既 , 俾左成一大袋我 , 用極都用唔晒 , 整紅棗糕就最啱 , 袁太版的紅棗糕需要兩日時間製作 , 第一日先將紅棗去核加熱水放入燉盅燉3小時 , 當然要用美的蒸燉寶幫手 , 燉好就要靜待一晚慢慢等紅棗水入味 



第二日將紅棗水加黃糖及紅棗蓉拌勻煮熱 , 待涼再加粉拌勻 , 再逐層逐層蒸做成千層 , 由於紅棗水浸過夜的關係 , 所以顏色比較深 , 不過味道方面絕對超正 , 皆因有香濃的紅棗味 , 而且自家製可以控制甜度 , 而且煙un彈牙 , 呢款紅棗糕可熱食 , 可暖食亦可凍食 , 袁生食左一件後好滿意 , 大讚好味兼俾足100分 , 見佢不停食 , 差不多已經俾佢食晒呢 ^^



材料 : 紅棗 , 木薯粉 , 粘米粉 , 糯米粉 , 黃糖 , 錫紙盆 , 模具 , 油 , 水 , 刀 , 隔篩 , 美的破壁機(BL1188) , 美的陶瓷蒸燉寶(MD8101F) , 美的早餐機(MZ-DSY18A)




紅棗用水沖洗乾淨及瀝乾水份 , 再抹乾水份 , 用刀幫手逐粒逐粒紅棗去核 , 將去核紅棗放入美的陶瓷蒸燉寶的燉盅內 , 再加入熱水至滿 , 蓋上燉盅蓋 , 蒸燉寶的煲內加熱水至水位位置 , 放上蒸架 , 放上燉盅 , 蓋上煲蓋 , 先按<功能>鍵 , 調至精華燉功能 , 時間調至3Hours , 再按<開始 / 取消>鍵 , 由佢燉 , 小心蒸氣口 , 燉至剩餘一小時後會有時間顯示 , 直至嗶嗶聲響代表燉完 , 會進入保溫模式 , 靜待30分鐘後關電源再靜待一晚


























翌日將紅棗及紅棗水分別盛起 , 紅棗水有300g , 紅棗放入美的破壁機內 , 蓋上蓋調較1速功能 , 約打分半鐘成紅棗蓉 , 紅棗水放入煲內 , 紅棗蓉用隔篩隔至滑身放入紅棗水內拌勻 , 再加入黃糖及250g水拌勻 , 用慢火煮至糖溶 , 靜待20分鐘稍為放涼























木薯粉 , 糯米粉及粘米粉放入大碗內拌勻 , 加入紅棗糖水拌勻至沒有粉粒 , 用隔篩隔兩次去粉粒
















美的早餐機按<蒸/煮>功能 , 時間調至10分鐘至熱 , 蒸盆掃上油 , 先放入一層粉漿 , 蓋上蓋蒸3分鐘至熟 , 再放入一層粉漿 , 再蒸3分鐘 , 直至最後一層蒸25分鐘至全熟 , 焗10分鐘 , 如不做千層 , 可將粉漿放入模具內蒸1小時 , 蒸好的紅棗糕待涼45分鐘 , 切件即可享用 , 或雪凍食都得























 




材料
紅棗120g , 木薯粉200g , 粘米粉20g , 糯米粉8g , 黃糖80g , 錫紙盆 , 模具 , 油 , 水 , 刀 , 隔篩 , 美的破壁機(BL1188) , 美的陶瓷蒸燉寶(MD8101F) , 美的早餐機(MZ-DSY18A)



做法
1. 紅棗用水沖洗乾淨及瀝乾水份 , 再抹乾水份 

2. 用刀幫手逐粒逐粒紅棗去核 

3. 將去核紅棗放入美的陶瓷蒸燉寶的燉盅內 , 再加入熱水至滿 , 蓋上燉盅蓋

4. 蒸燉寶的煲內加熱水至水位位置 , 放上蒸架 , 放上燉盅 , 蓋上煲蓋 

5. 先按<功能>鍵 , 調至精華燉功能 , 時間調至3Hours 

6. 再按<開始 / 取消>鍵 , 由佢燉 , 小心蒸氣口 

7. 燉至剩餘一小時後會有時間顯示 , 直至嗶嗶聲響代表燉完 , 會進入保溫模式 

8. 靜待30分鐘後關電源再靜待一晚

9. 翌日將紅棗及紅棗水分別盛起 , 紅棗水有300g 

10. 紅棗放入美的破壁機內 , 蓋上蓋調較1速功能 , 約打分半鐘成紅棗蓉 

11. 紅棗水放入煲內 , 紅棗蓉用隔篩隔至滑身放入紅棗水內拌勻  

12. 再加入黃糖及250g水拌勻 , 用慢火煮至糖溶 , 靜待20分鐘稍為放涼

13. 木薯粉 , 糯米粉及粘米粉放入大碗內拌勻 , 加入紅棗糖水拌勻至沒有粉粒 

14. 用隔篩隔兩次去粉粒

15. 美的早餐機按<蒸/煮>功能 , 時間調至10分鐘至熱 

16. 蒸盆掃上油 , 先放入一層粉漿 , 蓋上蓋蒸3分鐘至熟

17. 再放入一層粉漿 , 再蒸3分鐘 , 直至最後一層蒸25分鐘至全熟 , 焗10分鐘 

18. 如不做千層 , 可將粉漿放入模具內蒸1小時 

19. 蒸好的紅棗糕待涼45分鐘 , 切件即可享用 , 或雪凍食都得 




香濃的紅棗味 , 口感煙un彈牙 , 甜度適中 , 可熱食 , 暖食亦可凍食 , 不過呢款糕點袁生袁太比較喜愛凍食呢 ^^









18 則留言:

  1. 好多功夫,我睇完當食左😂😂

    回覆刪除
  2. 我最愛的中式甜品之一呀~~

    回覆刪除
  3. 呢個我喜歡呀

    回覆刪除
  4. 好多步驟,好繁複呀

    回覆刪除
  5. 用咁多紅棗,呢款糕點一定好補呢

    回覆刪除
  6. 太多步驟啦,想食都懶得整

    回覆刪除

老行家官燕蘋果玫瑰果醬食譜 ~蘋果果醬麵包卷~

繼續同大家分享老行家品牌官燕果醬禮盒食譜 , 繼續分享蘋果玫瑰果醬 , 之前就用來製作雞扒 , 美味滿分兼袁生相當滿意後 , 今次就用來配上白方包製作甜點 , 用來作下午茶就最適合 , 而且材料同製作亦非常簡單 ......