香煎素腐皮卷

每當袁太製作炒粉麵的時候 , 必然會剩下好多材料 , ~椰菜呀~ ~甘旬呀~ ~銀芽呀~ , 放係雪櫃又唔知幾時先會用來煮 , 所以最好辦法 ... 就係清晒佢 , 最好用來做餡料 , 包春卷或腐皮卷都得 ......



而袁太就當然選擇製作腐皮卷 , 因雪櫃還有剩下兩塊腐皮 , 最愛腐皮卷煎到脆卜卜 , 好鬼好味 , 而今次的餡料沒有加任何肉類 , 又是素卷卷黎



一塊腐皮可以整8條腐皮卷 , 袁太就整左11條 , 都唔需要好長時間已經食完 , 可以清清雪櫃餘貨之餘 , 仲有美味的食物 , 真係一舉幾得 , 唔知大家食腐皮卷喜愛乾煎還是打獻汁呢 ??? 袁太就喜愛就咁乾煎 , 袁生都喜愛乾煎 , 不過要沾喼汁食呢 ^^

 

材料 : 腐皮 , 椰菜 , 冬菇(預先浸軟) , 冬菇水 , 甘旬 , 沙葛 , 銀芽 , 木耳絲(用水先浸軟) , 鹽 , 糖 , 胡椒粉 , 喼汁 , 錫紙 , 美的早餐機(MZ-DSY18A)

銀芽放入美的早餐機的煲仔內加水 , 蓋上蓋按<蒸 / 煮>功能 , 時間調至15分鐘 , 將銀芽盛起用水沖一沖洗及瀝乾 , 椰菜切絲 , 甘旬去皮切絲 , 沙葛去皮切條 , 冬菇切片

燒紅鑊 , 先爆香冬菇有香味 , 加入甘旬及沙葛拌勻 , 再加入椰菜 , 少許鹽拌炒數分鐘至椰菜軟身 , 加入調味料及冬菇水用中火拌勻炒至汁料半收乾 , 再加入銀芽及木耳絲拌勻 , 盛起放在錫紙上待涼20分鐘

腐皮用濕布抹好 , 對摺剪開(一張可剪成八塊) , 將適量餡料放在腐皮下方 , 卷起封口 , 將全部腐皮卷靜待10分鐘 , 腐皮卷放上碟 , 放入早餐機內或蒸鍋內蓋上蓋 , 時間調至10分鐘 , 蒸10分鐘後取出再放上煎pan內煎至兩面金黃色即可

材料
腐皮2塊 , 椰菜1個 , 冬菇5隻(預先浸軟) , 冬菇水 , 甘旬1條 , 沙葛1個 , 銀芽$5 , 木耳絲(用水先浸軟) , 鹽 , 糖 , 胡椒粉 , 喼汁 , 錫紙 , 美的早餐機(MZ-DSY18A)

調味料
蠔油 , 生抽 , 老抽 , 鹽 , 糖 , 麻油 



做法
1. 銀芽放入美的早餐機的煲仔內加水 , 蓋上蓋按<蒸 / 煮>功能 , 時間調至15分鐘

2. 將銀芽盛起用水沖一沖洗及瀝乾 

3. 椰菜切絲 , 甘旬去皮切絲 , 沙葛去皮切條 , 冬菇切片 

4. 燒紅鑊 , 先爆香冬菇有香味 , 加入甘旬及沙葛拌勻 

5. 再加入椰菜 , 少許鹽拌炒數分鐘至椰菜軟身 

6. 加入調味料及冬菇水用中火拌勻炒至汁料半收乾 , 再加入銀芽及木耳絲拌勻 

7. 盛起放在錫紙上待涼20分鐘

8. 腐皮用濕布抹好 , 對摺剪開(一張可剪成八塊) 

9. 將適量餡料放在腐皮下方 , 卷起封口 , 將全部腐皮卷靜待10分鐘

10. 腐皮卷放上碟 , 放入早餐機內或蒸鍋內蓋上蓋 , 時間調至10分鐘 

11. 蒸10分鐘後取出再放上煎pan內煎至兩面金黃色即可 




對袁生袁太來說 , 無論製作春卷或腐皮卷 , 都係唔加肉類 , 用素材料最好味呢 ^^