粟米片脆脆雞翼

5月的時候 , 袁太幫品牌做roadshow示範 , 示範前當然要在家預先實習一次 , 其中一個食譜係用美的免油健炸寶製作的粟米片脆脆雞翼 , 雞雞食譜當然要留俾袁生代為試味 , 製作呢個脆脆雞翼材料好簡單 , 只需要雞中翼 , 粟米片 , 麵包糠 , 雞蛋白及醃料就可以 ......



袁太今次就用上香甜粟米片製作 , 因家中經常有存貨 , 大家都可以用原味粟米片 , 不過袁太想同大家講 , 用香甜粟米片會好味好多架 , 因焗完會感覺甜甜 , 好似搽左蜜糖焗咁呢 , 記得之前品牌公司確實roadshow日期俾袁太後 , 整過一次俾袁生試味 , 袁生大讚 , 之後不停都叫袁太再整俾佢食 , 到今日為止 , 呢個粟米片雞翼已經encore左4次咁多喇 , 何想而知味道絕對係very good , 而且有美的免油健炸寶呢個好幫手 , 想炸野絕對冇難度 , 唔駛用油炸 , 可以慳番好多油 , 真係一滴油都冇用 , 都可以有脆卜卜的感覺



呢款雞翼做派對小食相當唔錯 , 因袁太有朋友仔問我取食譜後試過製作 , 無論大朋友 , 小朋友都好喜歡 , 係一個好受歡迎的小食呢 ^^



材料 : 雞中翼 , 麵包糠 , 香甜粟米片 , 雞蛋白 , 鹽 , 糖 , 胡椒粉 , 錫紙 , 麵棍 , 叉 , 美的免油健炸寶(MF20B) 

雞中翼先用叉拮一拮雞肉(方便入味) , 用水沖一沖洗乾淨再抹乾水份 , 放入碗內加入醃料拌勻靜待1小時 , 期間將香甜粟米片放在廚紙上 , 再蓋上另一張廚紙 , 用麵棍來回壓碎粟米片 , 壓碎後與麵包糠拌勻備用

1小時後將雞蛋白加入雞中翼內拌勻靜待10分鐘 , 期間美的免油健炸寶調較至180C , 預熱10分鐘

雞中翼兩面沾上薄薄一層粟米片麵包糠 , 美的免油健炸寶的籃放上錫紙 , 放入雞中翼(雞皮向下) , 溫度調至180C , 時間調至8分鐘 , 8分鐘後將雞中翼反轉(雞肉向下) , 繼續用180C8分鐘至兩面金黃色脆身即可

 

材料
雞中翼8隻 , 麵包糠 , 香甜粟米片 , 雞蛋白1隻 , 鹽 , 糖 , 胡椒粉 , 錫紙 , 麵棍 , 叉 , 美的免油健炸寶(MF20B)    



做法
1. 雞中翼先用叉拮一拮雞肉(方便入味) , 用水沖一沖洗乾淨再抹乾水份 

2. 放入碗內加入醃料拌勻靜待1小時 

3. 期間將香甜粟米片放在廚紙上 , 再蓋上另一張廚紙 , 用麵棍來回壓碎粟米片 

4. 壓碎後與麵包糠拌勻備用

5. 1小時後將雞蛋白加入雞中翼內拌勻靜待10分鐘

6. 期間美的免油健炸寶調較至180C , 預熱10分鐘

7. 雞中翼兩面沾上薄薄一層粟米片麵包糠

8. 美的免油健炸寶的籃放上錫紙 

9. 放入雞中翼(雞皮向下) , 溫度調至180C , 時間調至8分鐘 

10. 8分鐘後將雞中翼反轉(雞肉向下) 

11. 繼續用180C8分鐘至兩面金黃色脆身即可 




用美的免油健炸寶 , 一滴油都唔駛落 , 雞翼脆卜卜 , 絕對適合做派對小食呢 ^^