七味椒鹽香煎鯖魚柳

有時晚餐諗唔到煮咩的時候 , 例牌都會簡單買魚煎同炒個菜就算 , 不過講開魚 , 我同袁生唔係咩魚都食 , 如果蒸的話我只會食鯇魚 , 袁生只會食桂花魚 , 但如果用來煎 , 我地就會好夾 , 都同樣喜歡鯖魚柳 ......



喜愛鯖魚柳的原因 , 係喜愛它煎完後個魚皮脆脆 , 好吸引 , 而且鯖魚柳骨唔算多 , 袁生可以食得好放心 , 而且價錢相當便宜 , 係急凍店買都係$24/3條

 

整呢款鯖魚柳好簡單 , 只要用鹽及胡椒粉醃下佢 , 再拍上生粉 , 再切件放入煎pan慢慢煎至兩面金黃脆卜卜 , 食時灑上椒鹽 , 七味粉及黑芝麻就食得 , 好鬼好味 , ~yummy yummy~呢 ^^



材料 : 急凍鯖魚柳 , 鹽 , 生粉 , 七味粉 , 椒鹽 , 胡椒粉 , 黑芝麻 , 青檸 , 油 , 美的早餐機(MZ-DSY18A)

鯖魚柳解凍後用水沖洗兩面至乾淨 , 再抹乾水份 , 放入碟內加少許鹽及胡椒粉拌勻魚的兩面靜待1小時

醃左1小時的鯖魚柳每面沾上薄薄的生粉 , 靜待10分鐘 , 再將鯖魚柳切件 , 放入美的早餐機的煎pan內慢慢煎至兩面金黃色(先煎魚肉個邊 , 再反轉煎魚皮個邊) , 盛起放上碟分別灑上椒鹽 , 七味粉及黑芝麻 , 青檸切件拌碟即可

材料
急凍鯖魚柳3條 , 鹽 , 生粉 , 七味粉 , 椒鹽 , 胡椒粉 , 黑芝麻 , 青檸 , 油 , 美的早餐機(MZ-DSY18A)



做法
1. 鯖魚柳解凍後用水沖洗兩面至乾淨 , 再抹乾水份

2. 放入碟內加少許鹽及胡椒粉拌勻魚的兩面靜待1小時

3. 醃左1小時的鯖魚柳每面沾上薄薄的生粉 , 靜待10分鐘 

4. 再將鯖魚柳切件 

5. 放入美的早餐機的煎pan內慢慢煎至兩面金黃色(先煎魚肉個邊 , 再反轉煎魚皮個邊) 

6. 盛起放上碟分別灑上椒鹽 , 七味粉及黑芝麻 , 青檸切件拌碟即可 




煎到脆卜卜的鯖魚柳加入椒鹽及七味粉後 , 味道提升不少 , 絕對好送飯或拌粥食呢 ^^