<美的多功能食物料理廚師機MKM45食譜> 肉鬆蛋糕

自從收到~美的多功能食物料理廚師機MKM45~後 , 可以輕鬆做出鬆軟麵包 , 麵條 , 曲奇等等 ... 之前袁太已經用廚師機整過雞包仔(不過食譜還未完成) , 大獲好評後 , 令袁太心心愛上廚師機 , 之前就整左中式包 , 今次就整蛋糕試試廚師機的打蛋白功能 ......



袁太細細聲同大家講 , 唔好以為袁太廚藝好叻 , 其實只限中式料理 , 甜品糖水 , 反而西式 , 麵包 , 蛋糕就麻麻地喇 , 西餐一向少接觸 , 可能袁太本身唔太喜愛食西餐呢 , 而麵包就一向搓麵糰唔叻 , 蛋糕就多數要打蛋白 , 袁太的手力唔係好得 , 所以而家有部廚師機在家就真係太好 , 好似上次個雞包仔咁 , 有廚師機幫手打麵糰 , 絕對快靚正



今次就簡單製作肉鬆蛋糕 , 大家可以用焗爐製作 , 不過由於之前廚房翻新工程 , 袁太好瀟灑地掉左個壞壞地的焗爐 , 所以就用美的免油健炸寶代替焗爐製作 , 用廚師機打蛋白只需要數分鐘就可打至企身 , 真係好方便 , 唔駛再用手拌勻至手殘廢 , 而用AF製作蛋糕 , 蛋糕好鬆軟 , 而且內餡加入豬肉鬆 , 鹹鹹甜甜更美味 , 袁太之後都再encore了數次 , 呢款肉鬆蛋糕真係食極都唔厭呢 ^^


 
材料 : 低筋麵粉 , 豬肉鬆 , 牛奶 , 白砂糖 , 雞蛋 , 油 , 刮刀 , 蒸焗盆 , 美的多功能食物料理廚師機(MKM45) , 美的免油健炸寶(MF20B)    

雞蛋黃及雞蛋白分開盛起 , 將牛奶 , 10g白砂糖 , 油放入煲內 , 用慢火慢慢拌勻煮至糖溶 , 熄火加入低筋麵粉拌勻 , 離火再加入雞蛋黃拌勻備用

 

廚師機換上打蛋白的工具 , 將雞蛋白放入器皿內 , 廚師機調較7度打至蛋白起泡 , 加入一半份量的白砂糖 , 將速度降至4度繼續打發數分鐘 , 再加入餘下份量白砂糖 , 轉用7度打至蛋白企身

將1/3份量的蛋白加入蛋糊內用刮刀充分拌勻 , 拌勻後再倒入餘下的蛋白內拌勻 , 分別放入蒸焗盆至半滿 , 放入適量的豬肉鬆 , 再將材料放至滿 , 逐一放入美的免油健炸寶內 , 先將溫度調至150C , 時間調至10分鐘至蛋糕脹起 , 再將溫度調低至140C , 時間調至15分鐘 , 取出靜待10分鐘即可

材料  
低筋麵粉50g , 豬肉鬆 , 牛奶50g , 白砂糖10g(煮麵糊用) + 30g(打蛋白用) , 雞蛋3隻 , 油35g , 刮刀 , 蒸焗盆 , 美的多功能食物料理廚師機(MKM45) , 美的免油健炸寶(MF20B)    



做法

1. 雞蛋黃及雞蛋白分開盛起 

2. 將牛奶 , 10g白砂糖 , 油放入煲內 , 用慢火慢慢拌勻煮至糖溶 

3. 熄火加入低筋麵粉拌勻 , 離火再加入雞蛋黃拌勻備用

4. 廚師機換上打蛋白的工具 

5. 將雞蛋白放入器皿內 , 廚師機調較7度打至蛋白起泡

6. 加入一半份量的白砂糖 , 將速度降至4度繼續打發數分鐘 

7. 再加入餘下份量白砂糖 , 轉用7度打至蛋白企身

8. 將1/3份量的蛋白加入蛋糊內用刮刀充分拌勻 , 拌勻後再倒入餘下的蛋白內拌勻 

9. 分別放入蒸焗盆至半滿 , 放入適量的豬肉鬆 , 再將材料放至滿

10. 逐一放入美的免油健炸寶內 , 先將溫度調至150C , 時間調至10分鐘至蛋糕脹起 

11. 再將溫度調低至140C , 時間調至15分鐘 

12. 取出靜待10分鐘即可 




超鬆軟的肉鬆蛋糕 , 鹹鹹甜甜好味道 , 最重要係有美的廚師機幫忙打蛋白先有咁好味的蛋糕出爐呢 ^^