[FoodWise慧品] 濃茄醬煮和牛牛丸意粉

數天前袁太收到Into-Life HK活出國際(香港)及其零售品牌FoodWise慧品袁太試食產品 , 產品係澳洲FOODBARN和牛系列 , 給袁太試食的產品分別有和牛牛扒及和牛牛丸 ...... 

首先就開封澳洲FOODBARN和牛牛丸 , 一開封已經聞到好香的牛肉味道 , 第一時間就想到可以配上濃茄醬製作 , 酸酸甜甜的濃茄醬袁生袁太非常喜歡 , 而且自家製絕對唔難 , 快快手去街市買材料回家炮製美食

先切碎煮濃茄醬的材料 , 爆香後加茄膏 , 上湯及水用慢火煮 , 和牛牛丸解凍後輕微橫切幾刀 , 當茄膏煮好後再放入和牛牛丸煮15分鐘再焗30分鐘就完成 , 配上白飯或意粉都相當配合 , 試食後覺得非常滿意 , 雖然係急凍產品 , 但完全冇任何雪藏味 , 味道相當好 , 彈牙之餘 , 牛的味道相當濃郁 , 而且用茄膏煮完 , 牛丸都相當入味 , 袁生簡直讚不絕口 , 雖然袁太唔食得牛 , 但都俾咁香濃的牛丸味道所吸引 , 所以大家一定要買黎試下 , 袁生袁太極力推介呀 ~~~

同大家介紹下Into-Life HK活出國際(香港)及其零售品牌FoodWise慧品 , 除了有和牛牛丸系列外 , 還有高品質豬肉系列 , 黑豚豬豬肉系列 , 另有麵食 , 葡萄酒及澳洲YoMate新鮮乳酪等等 ......

於第30屆美食博覽會有攤位呢
詳情 : 攤位名稱 : Into-Life HK活出國際(香港)
          攤位編號 : IC - C18
          地點 : 香港會議展覽中心
          日期 : 2019年8月15日至19日 (星期四至一)
          時間 : 8月15日至8月18日 (上午10時至晚上10時)
                    8月19日 (上午10時至晚上6時)


大家有時間就去買下產品喇 , 豬肉系列低至7折 , 和牛系列會推出驚喜優惠價呢


FoodWise慧品
https://foodwise.hk/

材料 : 澳洲FOODBARN和牛牛丸 , 蕃茄 , 洋蔥 , 芹菜 , 鹽 , 茄醬 , 黑胡椒碎 , 意粉 , 上湯 , 水

蕃茄切粒 , 洋蔥去衣切粒 , 芹菜莖切粒 , 全部放入鑊中加少許油用中火拌炒至出茄油 , 將所有材料轉放另一煲內 , 加入2湯匙茄膏 , 上湯及4杯水份量拌勻 , 用中火煮滾 , 蓋上蓋轉慢火煮1小時(期間要定時看看有沒有乾水 , 如水份太少 , 可加水繼續煮)

茄醬煮1小時後將2/3份量放入破壁機或攪拌機內 , 蓋上蓋按1速打30秒成濃茄醬 , 再放回煲內拌勻 , 和牛牛丸橫切幾刀 , 放入濃茄醬內拌勻 , 蓋上蓋用慢火煮15分鐘再熄火焗30分鐘 , 30分鐘後加少許鹽及黑胡椒碎調味拌勻即成濃茄醬煮和牛牛丸

意粉放入水中按包裝指示煮9分鐘 , 待意粉軟身後盛起瀝乾水份再放回鑊中 , 加少許濃茄醬拌炒數分鐘後上碟 , 再淋上濃茄醬和牛牛丸 , 再灑上少許黑胡椒碎及放上芹菜葉裝飾即可

材料

澳洲FOODBARN和牛牛丸 , 蕃茄3個 , 洋蔥1個 , 芹菜 , 鹽 , 茄醬2湯匙 , 黑胡椒碎 , 意粉 , 上湯200ml , 水4杯

做法
1. 蕃茄切粒 , 洋蔥去衣切粒 , 芹菜莖切粒 

2. 全部放入鑊中加少許油用中火拌炒至出茄油 

3. 將所有材料轉放另一煲內 , 加入2湯匙茄膏 , 上湯及4杯水份量拌勻 

4. 用中火煮滾 , 蓋上蓋轉慢火煮1小時
   (期間要定時看看有沒有乾水 , 如水份太少 , 可加水繼續煮)

5. 茄醬煮1小時後將2/3份量放入破壁機或攪拌機內 

6. 蓋上蓋按1速打30秒成濃茄醬 , 再放回煲內拌勻 

7. 和牛牛丸橫切幾刀 , 放入濃茄醬內拌勻 , 蓋上蓋用慢火煮15分鐘再熄火焗30分鐘

8. 30分鐘後加少許鹽及黑胡椒碎調味拌勻即成濃茄醬煮和牛牛丸

9. 意粉放入水中按包裝指示煮9分鐘 , 待意粉軟身後盛起瀝乾水份再放回鑊中

10. 加少許濃茄醬拌炒數分鐘後上碟 

11. 再淋上濃茄醬和牛牛丸 , 再灑上少許黑胡椒碎及放上芹菜葉裝飾即可 




濃茄醬酸酸甜甜 , 配上味道濃郁彈牙的澳洲FOODBARN和牛牛丸 , 一個字講完~正~ ^^