2019年12月30日 星期一

<美的多功能食物料理廚師機MKM45食譜> 椰絲蛋糕仔




袁太足足三個幾月冇update個blog呢 , 唔知大家有冇掛住我呢 ??? 其實袁太日日都有煮食 , 只係呢幾個月專注係facebook專頁出post , 而忽略了blog , 袁太之後會平衡番兩邊 , 會多多出食譜同大家分享 ......



接近年尾聖誕 , 除夕或元旦的日子 , 都會陸續收到朋友仔的訊息 , 想袁太幫忙製作小食開派對 , 今次朋友要求蛋糕仔 , 因當日的派對會有較多小朋友 , 所以製作蛋糕仔 , 細細個 , 方便大家享用 , 呢款蛋糕仔袁太以前係街曾經食過 , 覺得味道好好 , 所以就嘗試複製味道出來 , 而家袁太製作蛋糕或麵包 , 都會用廚師機幫手 , 家中有廚師機令製作過程方便得多 , 令一向整蛋糕麵包唔叻的袁太都唔會失敗 , 都有水準高的麵包蛋糕出爐 , 不過家中的焗爐之前壞掉了都現在都未買新 , 所以多數都用AF代替焗爐用 , 都好好架



今次第一次製作的椰絲蛋糕仔賣相已經靚靚 , 而且經袁生袁太試味後 , 相當滿意 , 可以keep低食譜明天再製作大量俾朋友仔開派對享用呢



 
材料 : 無鹽牛油 , 白砂糖 , 鹽少許 , 雞蛋 , 低筋麵粉 , 泡打粉 , 吉士粉(令顏色靚d , 可省略) , 牛奶 , 椰絲 , 美的多功能食物料理廚師機(MKM45)




無鹽牛油 , 糖 , 少許鹽放入廚師機器皿內 , 先按2速打發拌勻 , 再分兩次加入蛋液轉4速繼續打發 , 加一半份量牛奶拌勻 , 再篩入低筋麵粉及泡打粉 , 繼續用4速打發拌勻至沒有粉粒至麵糊狀態
 














  
將椰絲及吉士粉加入麵糊內拌勻 , 再加入餘下一半份量牛奶拌勻 , 將拌勻好的麵糊逐一放入模具中 , 表面再灑上適量椰絲 , 放入AF的炸籃內 , 160C 20分鐘至金黃色即可 (如用焗爐製作 , 先用200C預熱10分鐘 , 再轉用190C上下火焗25分鐘成表面金黃色即可)

















材料  
無鹽牛油100g , 白砂糖85g , 鹽少許 , 雞蛋2隻 , 低筋麵粉200g , 泡打粉少許 , 吉士粉少許(令顏色靚d , 可省略) , 牛奶120g , 椰絲80g , 美的多功能食物料理廚師機(MKM45)



做法
1. 無鹽牛油 , 糖 , 少許鹽放入廚師機器皿內 , 先按2速打發拌勻 

2. 再分兩次加入蛋液轉4速繼續打發 , 加一半份量牛奶拌勻 

3. 再篩入低筋麵粉及泡打粉 , 繼續用4速打發拌勻至沒有粉粒至麵糊狀態

4. 將椰絲及吉士粉加入麵糊內拌勻 

5. 再加入餘下一半份量牛奶拌勻

6. 將拌勻好的麵糊逐一放入模具中 , 表面再灑上適量椰絲 

7. 放入AF的炸籃內 , 160C 20分鐘至金黃色即可
   (如用焗爐製作 , 先用200C預熱10分鐘 , 再轉用190C上下火焗25分鐘成表面金黃色即可) 




金金黃黃賣相靚靚的椰絲蛋糕仔 , 甜度適中 , 相當美味呢 ^^














3 則留言:

  1. HAPPY NEW YEAR~!
    家下好少人睇BLOG~可能遲下好多人都唔再寫~

    回覆刪除
  2. 真係好耐無係哩邊見到袁太呢,不過blog都係越嚟越少人睇‥‥‥
    蛋糕好靚呀!

    回覆刪除

老行家官燕蘋果玫瑰果醬食譜 ~蘋果果醬麵包卷~

繼續同大家分享老行家品牌官燕果醬禮盒食譜 , 繼續分享蘋果玫瑰果醬 , 之前就用來製作雞扒 , 美味滿分兼袁生相當滿意後 , 今次就用來配上白方包製作甜點 , 用來作下午茶就最適合 , 而且材料同製作亦非常簡單 ......